Б.Хулангоо

Автамашины тэргүүлэгч компани болох “TOYOTA” -ийн ерөнхийлөгч Акио Тоёода суудлаасаа огцоржээ. “TOYOTA MOTORS” үүсгэн байгуулагч нь түүний өвөө Кийчиро Тойода юм. Ийнхүү гэр бүлийн үүсгэн байгуулсан компанийн ерөнхийлөгчийн суудлаа албан ёоор дөрөвдүгээр сарын 1-нээс хүлээлгэн өгөхөөр болжээ. Дэлхийд алдартай автомашины үйлдвэрлэгч компанийн тэргүүний байр сууринд хэн очих нь олон хүний анхаарлыг татсан билээ. Харин Акио Тоёодагийн хийсэн мэдэгдлээр дараагийн дэд ерөнхийлөгчийн суудалд “LEXUS” брэндийн ахлах захирал Кожи Сато суухаар болжээ.

Акио Тоёодагийн удирлага дор тус компанийн Приус загвар дэлхий нийтийн зах зээлд тэргүүлсэн байна. Анхлан гаргасан хос технологи нь жолооч нарт илүү тохиромжтой байсан нь зах зээлд тэргүүлэх гол шалтгаан нь болж чадсан аж.

Өнгөрсөн оны зургадугаар сард хийсэн хэвлэлийн бага хурал дээрээ тэрбээр “Миний Тоёотагийн удирдлагын албан тушаалд байх хугацаанд 2009 оны дэлхийн эдийн засгийн уналт, 2011 онд болсон газар хөдлөлт, цунамигийн асар хүнд хямралуудаас эхэлсэн” гэж хэлжээ. Тэрээр энэ пүрэв гарагт хийсэн мэдэгдэлдээ “Тоёотагийн философийг сурахын тулд шаргуу хөдөлмөрлөсөн тулд Кожи Сатог сонгосон гэж хэлэв.

TOYOTA компанийн дараагийн дэд ерөнхийлөгч болох Кожи Сато нь 1992 онд ажлын гараагаа эхэлсэн бөгөөд 2016 онд Тоёотагийн тансаг зэрэглэлийн автомашины брэнд “LEXUS INTERNATIONAL” компанийн ахлах инженэр болтлоо дэвшсэн. 2021 оны нэгдүгээр сард брендийн ахлах ажилтан болж чадсан байна. Ирэх оны дөрөвдүгээр сарын 1-нээс эхлэн автомишины тэргүүлэгч компанийн дэд ерөнхийлөгчийн суудалд суухаар сонгогдлоо.

Эх сурвалж:polit.mn