Б.Хулангоо
Цахим залилантай тэмцэх тухай янз бүрийн контент, видео аяныг цагдаагийн байгууллагаас зохион байгуулсан ч иргэд цахим залилангийн хохирогч болсоор байна. Харин санхүүгийн залилан хийгчдийн арга улам нарийссаар. Тухайлбал, Хөвсгөл аймгийн иргэд "Бэлтэс Мөрөн" компанид аймгаараа FT, FAMILYART гэх пирамид сүлжээний залиланд өртөж аймгийнхаа цагдаагийн хэлтэст өргөдлөө өгч эхэлсэн байна. Гэхдээ тус залилангийн шинжтэй үйлдэл зөвхөн Хөвсгөл аймагт бус нийслэлийн хэд хэдэн дүүргийн иргэдээс цагдаагийн байгууллагад гомдол ирсэн байна.
Тодруулбал, цахим орчинд FT, FAMILYART гэх групп байдаг. Иргэд эдгээр группт элсэж цахим хаягт их хэмжээний мөнгөөр идэвхжүүлэлт хийдэг байна. Гэвч энэ сарын 24-нд иргэдийн хүсэлтэд тус сайт нь хариу өгөөгүй учир залилуулж байгаагаа мэдэж, цагдаагийн байгууллагад өргөдөл гаргажээ. Үүнд зарим иргэн 10 хүртэлх сая төгрөгөө алдсан тухайгаа FT, FAMILYART гэх хохирогчдын группт мэдээлсэн байна. Энэ нь гадаадад байдаг залилангийн сүлжээ юм байна. Тиймээс цагдаагийн байгууллагаас иргэдийг амар хялбар аргаар мөнгө олох замыг сонгож, сүлжээний залиланд өртөхгүй байхыг анхааруулжээ.
Эх сурвалж:www.polit.mn