Б.ОД

Энэ жилийн тухайд манай улсын иргэд Вьетнам, Тайланд руу зорчих нь ихэсчээ. Энэ талаар БОАЖЯ-ны Бодлого зохицуулах газрын мэргэжилтэн Б.Жавхлан "Өвөл эхэлснээс хойш Солонгос, Турк улс руу их явж байсан. Сүүлийн үед Зүүн Өмнөд Азийн Вьетнам, Тайланд руу зорчих нь нэмэгдэж байна. Учир нь эдгээр улс руу шууд нислэгтэй байдаг. Мөн иргэд визгүй улс руу илүү их зорчдог" гэв.

Монгол Улсын иргэд Хятад, ОХУ, Филиппин, Тайланд зэрэг 25 улс руу 14-90 хоног визгүй зорчих боломжтой юм.

 Хил хамгаалах ерөнхий газраас өгсөн мэдээллээр 2023 оны нэгдүгээр сарын 10-23-нд Алтанбулаг боомтоор 30636 зорчигч орж, 31900 гарсан бол Замын-Үүд авто замын боомтоор 21388 зорчигч орж, 24584 зорчигч гарсан байна. Мөн Чингис Хаан нисэх онгоцны буудлаар 85580 зорчигч орж, 84700 зорчигч гарсан байна.

Эх сурвалж:www.polit.mn