• Зууны мэдээ сонин онлайн захиалга

Б.Мягмарнаран:Монгол Улсаас хүсэлт явуулаад тухайн хаягийг Фэйсбүүкээс хаах боломжгүй

 

Б.ОД

“Цахим орчинд хүний эрхийг хамгаалахад тулгамдаж буй асуудал, цаашид хэрэгжүүлэх арга хэмжээ” хэлэлцүүлэг боллоо.

Энэ үеэр “Олон нийтийн сүлжээнд хүний эрхийг хамгаалах тухай хууль"-ийн хэрэгжилтийн талаар ХХЗХ-ны Зохицуулалтын бодлогыг хэрэгжүүлэх газрын дарга Б.Мягмарнаран "Монгол Улсаас хүсэлт явуулбал тухайн хаягийг Фэйсбүүкээс хаах боломж байхгүй. Хуульд зааснаар тухайн байгууллага шийдвэр дүгнэлтээ үйлчилгээ эрхлэгч буюу олон улсын платформд хүргүүлнэ. Тухайн платформ тусдаа эрх зүйн орчинтой байгууллага учраас хянаж үзээд зөрчилтэй байна гэвэл эрхээ хэрэгжүүлнэ. Одоо ч гэсэн ийм байгаа. Бидний явуулсан шийдвэрийн дагуу устгана гэсэн ойлголт байхгүй. Фэйсбүүк Засгийн газраас хэдэн мэдээлэл ирсэн, үүнээс хэдийг нь шийдвэрлэсэн гэдэг тайлангаа ил тод гаргадаг.  Төрөөс Фэйсбүүк рүү ороод үүнийг устгана, тэрийг устгана гэх юм шиг ойлгоод байна. Тийм зүйл байхгүй. Яг бодит амьдрал дээр байгууллага бүр ногоон сувгаар Фэйсбүүк рүү ханддаг. Энэ харилцаагаа болиод бүгд нэг сувгаар ханддаг болно. Эцсийн шийдвэрлэх эрх нь Фэйсбүүкт байгаа, манайх зөвхөн дамжуулах  үүрэгтэй" гэв.

Эх сурвалж:www.polit.mn        

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.