• Зууны мэдээ сонин онлайн захиалга

Зөвлөлдөх санал асуулгын 50 асуултыг боловсруулж дуусчээ

 

Б.ОД

Улсын хэмжээнд Зөвлөлдөх санал асуулга зохион байгуулах үүрэг бүхий Зөвлөлдөх зөвлөлийн гишүүн Академич Г.Чулуунбаатар, хуульч О.Мөнхсайхан нар өнөөдөр мэдээлэл өглөө.

Энэ үеэр академич Г.Чулуунбаатар “Зөвлөлдөх зөвлөлийн бүрэлдэхүүнээс санал асуулгын асуултын эцсийн хувилбарыг боловсруулан Үндэсний статистикийн хороо(ҮСХ)-нд хүлээлгэн өглөө. Хуулийн дагуу ҮСХ анхны санал асуулгыг энэ сарын 30-нд багтаан зохион байгуулах юм. Хоёрдугаар шат нь Зөвлөлдөх уулзалт хэлбэрээр болно. Анхдугаар санал асуулгад ҮСХ-ноос санамсаргүй түүврийн аргаар сонгогдсон 1570 хүн оролцуулна. Тухайн санал асуулгад оролцсон иргэдээс дахин 50 хувийг санамсаргүй түүврийн аргаар сонгон Төрийн ордонд хоёрдугаар сарын 14, 15-нд болох Зөвлөлдөх уулзалтад хамруулах юм.Зөвлөлийн гишүүдийн боловсруулсан дөрвөн багцад хамаарах 20 гаруй асуулт, ҮСХ-ны мэдээлэл авах зорилготой асуултыг нэмээд нийт 50 орчим асуулт томьёологдсон байна” гэв.

Дөрвөн багцад иргэний болон улс төрийн хариуцлага,парламентын ардчилал, эдийн засгийн баялгийн хуваарилалт, төвлөрлийг сааруулах , нийгмийн тулгамдсан асуудал агуулгыг хөндсөн байна.

Эх сурвалж:www.polit.mn        

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.