АТГ: Эрх бүхий албан тушаалтнууд 13.8 тэрбум төгрөгийн хахууль авсан байж болзошгүй нөхцөл байдал тогтоогдсон

Нүүр

Геополитик

АТГ: Эрх бүхий албан тушаалтнууд 13.8 тэрбум төгрөгийн хахууль авсан байж болзошгүй нөхцөл байдал тогтоогдсон

2023-01-25

Нийтэлсэн: Админ

1 мин унших

ХУВААЛЦАХ

ЖИРГЭХ

Т.САЙХАН

АТГ-аас нүүрсний хэргийн мөрдөн шалгах ажиллагааны явцын талаар мэдээллээ. АТГ-ын Мөрдөн шалгах хэлтсийн дарга Б.Батбилэг "Нүүрсний хэрэгтэй холбоотойгоор 36 хэрэгт мөрдөн шалгах ажиллагаа явуулсан. Ажлын хэсэг одоогийн байдлаар гурван хэргийг мөрдөн шалгах ажиллагаа дуусгаж, яллах дүгнэлт үйлдүүлэхээр прокурорт шилжүүлсэн. Тус хэрэгтэй холбоотойгоор нийт 127 объектод нэгжлэг хийж, 426 иргэнээс гэрчийн мэдүүлэг авсан. Мөрдөн шалгах ажиллагааны явцад нийт 66 иргэн, албан тушаалтныг эрүүгийн хэрэгт яллагдагчаар татсан байгаа. Одоогоор долоон яллагдагчид цагдах хорих таслан сэргийлэх арга хэмжээ авсан. Түүнчлэн 19 хүнд хилийн хориг тавьж, таван хүнийг албан үүргээс түдгэлзүүлэх , хувийн баталгаа авах таслан сэргийлэх арга хэмжээг 35 ялагдагчид аваад байна. Шалгалтын явцад эрх бүхий албан тушаалтнууд 13.8 тэрбум төгрөгийн хахууль болгон авсан байж болзошгүй нөхцөл байдал тогтоогдсон. Түүнчлэн мөрдөн шалгах ажиллагааны явцад 81 хөрөнгийг битүүмжилсэн байгаа. Үүнд 78 орон сууц, дөрвөн оффисын байрны шилжилт хөдөлгөөнийг хязгаарласан. Хэргийг мөрдөн шалгах явцад 630 сая төгрөг илэрснийг битүүмжилж, хууль зөрчих замаар олсон эсэхийг хянан шалгаж байна. Мөн төрийн өмчит компанийн удирдах албан тушаалд ажиллаж байсан этгээд нь хахуульд авсан мөнгөөр Хан-Уул дүүргийн нутаг дэвсгэрт спорт цогцолбор, орон сууцны барилгын ажил эхлүүлж, хууль бусаар орлогоо нуун дарагдуулсан үйлдлийг шалгаж байна" гэв.

Эх сурвалж:www.polit.mn

2025 онд угаарын улмаас 30 иргэн нас баржээ

Уржигдар 16 цаг 04 мин

С.Оюун: Би Ерөнхийлөгчийн сонгуульд нэр дэвшихгүй

Уржигдар 15 цаг 44 мин

Л.Энх-Амгалан: Ипотекийн зээлийн дараалалд орохын тулд 10-20 сая төгрөгийн авлига өгдөг

Уржигдар 15 цаг 36 мин

Зээл олгох үйл ажиллагаанд МИК хөндлөнгөөс оролцох боломжгүй

Монголын Ипотекийн Корпораци ОССК” ХХК (МИК) нь орон сууцны хөнгөлөлттэй хүүтэй зээлийн хөтөлбөрт зарим үйл ажиллагааг хэрэгжүүлэх үүрэгтэйгээр оролцож байгаа ба Монголбанкнаас баталсан “Орон сууцны ипотекийн санхүүжилтийн журам”, “Ипотекийн зээлийн үйл ажиллагааны журам”-ын хүрээнд олгосон орон сууцны зээлийг Банкнаас худалдан авч, хөрөнгөөр баталгаажсан үнэт цаас гаргах үйл ажиллагааг гүйцэтгэдэг. “Орон сууцны ипотекийн санхүүжилтийн журам”-ын 4.2-д заасны дагуу Банк нь зээл хүсэгчид олгох орон сууцны ипотекийн зээлийн шийдвэрийг бие даан гаргахаар зохицуулсан байдаг бөгөөд зээл олгох үйл ажиллагаанд МИК хөндлөнгөөс оролцох боломжгүй юм.

Уржигдар 14 цаг 14 мин