• Зууны мэдээ сонин онлайн захиалга

Рональдо эхний тоглолтдоо мөнхийн өрсөлдөгч Месситэй таарч магадгүй

Д.ДАРАМБАЗАР

 

Саудын Арабын клубт очсон Португалийн хөл бөмбөгийн од Кристиано Рональдо эхний тоглолтоо Францын Пари Сен Жермэн клубтэй хийж магадгүй болжээ. Францын энэ клубт түүний мөнхийн өрсөлдөгч Аргентины од Лионнел Месси тоглодог юм. Пари Сен Жермен клуб нэгдүгээр сарын 19-ний өдөр Саудын Арабын нийслэл Рияад хотноо тус улсын Аль Насср, Аль Хилал клубүүдийн тоглогчдоос бүрдсэн багтай нөхөрсөг тоглолт хийхээр болсноо өчигдөр зарлажээ. Энэ тухай Associated Press сайтад “Аль Насср клубтэй Рональдо саяхан өндөр үнээр тоглох гэрээ байгуулсан билээ.

Гэхдээ тэр нэгдүгээр сарын 22-ноос хойш Аль Насср клубийн бүрэлдэхүүнд албан ёсоор тоглож эхлэнэ. Учир нь Рональдо өнгөрсөн дөрөвдүгээр сард Английн Премьер лигийн Эвертон клубтэй хийсэн тоглолтын дараа хөгжөөн дэмжигчийн гар утсыг цохиж унагасан үйлдлийн улмаас албан ёсны хоёр тоглолт өнжих шийтгэл хүлээсэн. Шийтгэлийн хугацаа 22-нд өндөрлөж байгаа юм” гэжээ. Францын Пари Сен Жермен клубийг Катарчууд эзэмшдэг бөгөөд Ойрх Дорнодын бүс нутагт хоёр хоног саатахдаа Саудын Арабт нөхөрсөг тоглолтод оролцохоос гадна Доха хотод ивээн тэтгэгчдээ дэмжих арга хэмжээнд оролцох юм байна.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.