Б.Дамдин-Очир

Ардын намын генсек асан, УИХ-ын гишүүн байсан У.Хүрэлсүх гадаадад амьдраад жил гаруй болж байгаа. Харин тэрээр 14 хоногийн өмнө Монголд иржээ. Улс төрийн бужигнаан, эдийн засгийн хямрал гээд бөөн асуудал, дуулиан шуугиантай үе “таарсан” тул У.Хүрэлсүхэд анхаарал хандуулах хүн ховор байгаа бололтой. Харин тэрээр сүүлийн үед сүрхий дор ороод байгаа намынхаа дотоод асуудлыг цэгцлэхээр ирсэн тухай эх сурвалж мэдээллээ.

У.Хүрэлсүх өчигдөр 09.45 цагт Улаанбаатар их дэлгүүрийн зүүн талд байрлах “Great” салонд үсээ засуулахаар ирэхтэй нь манай сурвалжлагч таарав. 10.55 цаг хүртэл “гоёо, гангараа”-гаа хийлгэж гарч ирээд, машиндаа суун Тусгаар тогтнолын ордныг зорьсон юм. Намынхаа байранд 11.00 цагтай уралдан очсон тэрээр оройг хүртэл МАН-ын удирдлагын төвшинд хурал хуй зохион байгуулж өнжив.

Мань эр Монголдоо ойрд ирээгүй хүн шиг л өдөр шөнөгүй “ажиллаж” буй ажээ. Учир нь шөнийн 02 цаг хүртэл Хүүхдийн паркийн хашаан дахь “Сөүл” рестораны VIP өрөөнд УИХ-ын гишүүн Ж.Энхбаяртай уулзав. 

Үсээ засуулахаар "great" салонд ирэв. 2014.5.13 9:45 цаг

"Гоёо, гангараа"-гаа хийлгэчихээд гарч ирлээ. 10:50 цаг

Сандруухан давхисаар намынхаа байранд ирэв. 10:55 цаг