Ч.ӨЛЗИЙ

Солонгосын MBC телевизээр гардаг “Радио од” нэвтрүүлгийн сүүлийн дугаарт алдарт  жүжигчин Сон Сын Хён оролцжээ. “Радио од” нэвтрүүлгийн зочноор “Солиот” хэмээх шинэ кино бүтээж байгаа багийнхан буюу жүжигчин Сон Сын Хён , Жо Ёо Жын Жон, Он Жү Ван, найруулагч Ким Дэ Вү нар орох аж. Зураг авалт нь MBC телевизийн Мөрөөдлийн төв дээр явагдах гэнэ.

“Севол” хөлөг онгоцны ослоор амиа алдсан хүмүүсийн уй гашууг хуваалцан, хүндэтгэл үзүүлж, эмгэнэл илэрхийлсэнтэй холбоотойгоор дөрөвдүгээр сарын 16-ны өдрөөс хойш хоёр долоо хоног шахам түр зогсоод байсан “Радио од” нэвтрүүлэг өнгөрсөн сарын 30-ны өдрөөс эхлэн зураг авалтаа эхлүүлсэн ажээ. Дашрамд хэлэхэд жүжигчин Сон Сын Хён TBC телевизээр гарах “Шулмын ангууч” киноны дараагийн зураг авалтандаа анхаарч байгаа гэнэ.

Харин MBC телевизийн “Радио од” нэвтрүүлэгт оролцсон дөрвөн зочин маань 1969 оны Вьетнамын дайны шувтаргаар болсон хайр дурлалын талаар өгүүлдэг “Солиот” хэмээх шинэ уран бүтээлээ хүлээж байгаа аж.