Д.Болор

 

“Шинэ үе” продакшны жүжигчин Ц.Алдармаа, Д.Оюунтуул нар маргалдаж, улмаар Д.Оюунтуул хүнд гэмтсэн тухай мэдээлэл гараад байна. “Шинэ үе”-ийнхэн Орхон аймагт тоглолтоор явахдаа Ц.Алдармаа, Д.Оюунтуул нар хувийн таарамжгүй харилцаанаас болж маргаан дэгдээсэн гэнэ. Энэ талаар Орхон аймгийн Цагдаагийн газрын албан хаагчаас тодруулахад “Жүжигчид маргалдаж муудалцсан асуудал гарсан нь үнэн. Гэхдээ продакшны захирал Бооёо нь “Бид шалгуулах шаардлагагүй. Хэн хэн нь гомдолгүй гэсэн учраас шалгуулахгүй” гэсэн тайлбар өгөөд байгаа. Тэгж хэллээ гээд бид тухайн асуудлыг зүгээр орхихгүй. Тодорхой хэмжээнд асууж тодруулна” гэсэн хариулт өгч байна. Эх сурвалжийн мэдээлснээр Д.Оюунтуул нь урьд өдөр нь Ц.Алдармаагийн нуруу руу халуун ус цацсан гэнэ. Маргааш нь Ц.Алдармаа нь зөрүүлж буцалсан халуун ус цацсан юм байх. Одоогийн байдлаар жүжигчин Д.Оюунтуулын биеийн байдал сайнгүй Түлэнхийн төвд эмчлүүлж байгаа юм байна.