Ч.САНСАР 

УИХ-ын гишүүн асан Л.Гүндалай  Монгол хүнээ хайрлая нэртэй улс төрийн нам  байгуулахаар гарын үсэг цуглуулах гэж байгаа гэх сураг чих дэлсч эхэллээ. Итгэж байгаа нэгэн байхад  “Үнэн хэлэв үү, үймүүлж явна уу”   хэмээн эргэлзэх хүн ч цөөнгүй. Улс төрөөс завсарлага авсан тэрээр  нэг  хэсэгтээ  аялж, амарсан. Үүнийгээ “Гэр бүлийн аз жаргалыг амсч байна” хэмээн цахим хуудастаа бичсэн нь бий. Харин дараахан  нь   эхнэрийнхээ “Батбайгаль бейкэри” компанийн ажилд оролцож зарчимч  шаардлагаар  заримынх нь дургүйг хүргэсэн дуулдсан. Энэ бүхний эцэст  тэрээр  хийх юмаа олж ядахдаа  нам байгуулж тоглохоор шийдсэн биш байлтай. Гэхдээ Ард түмний нам байгууллаа хэмээн Сүхбаатарын талбайд гэр барьж шоудаж байсан түүнд  шинэ  нам байгуулах бол  юу ч биш. Ямартаа ч  энэ хаврын улс төрийн бас нэг хачир  ийнхүү  “мэндэлж” байгаа бололтой.