Х.ОЮУНБОЛД Суданы ерөнхийлөгч Омар Хасан аль Башир ард түмнийхээ сайхан   амьдралыг нь баталгаажуулах эдийн засгийн шинэчлэлийг үргэлжлүүлэн хийнэ гэдгээ амласан байна. Тэрээр энэ амлалтаа 12 хүн амь үрэгдсэн эсэргүүцлийн жагсаалын үеэр хийжээ. Энэ талаар төрийн мэдээллийн “SUNA” агентлаг ерөнхийлөгчийн хэлснийг эш татан мэдээлсэн байна. Мөн Омар Хасан аль Башир өнгөрсөн даваа гаригт тагнуул болон аюулгүй албаны удирдлагатай уулзсан байна. Түүнчлэн  ерөнхийлөгч Суданы иргэдээс эсэргүүцлийн хөдөлгөөнийг дэмжигчдийн гаргасан цуу ярианд анхаарлаа хандуулахгүй байх, самуун дэгдээх оролдлогоос болгоомжлохыг хүсчээ. Үүнээс гадна тус улсын зэвсэгт хүчнийхэн эмх журмыг сахиулахад гаргасан зүтгэлийг сайшааж байгаагаа илэрхийлсэн байна. Харин тагнуул, аюулгүй байдлын албаны дарга, генерал Сала Мухамед Абдала “Үндсэн хуульд заасан өөрийн үүргээ тэд биелүүлнэ” гэж мэдэгджээ. Тэрээр “Эрх чөлөөгөө илэрхийлэх эрхийг хүндэтгэж байгаагаа мэдэгдсэнээс гадна хувийн өмчид учирсан гарз хохирол, тус улсын иргэдийг айлгаж сүрдүүлсэн нь санаа зовоож байна” гэв. Эх сурвалж: www.polit.mn