Ч.Зотол Өнгөрсөн жил “Шилжилтийн үе”-ийг эцэслэж “Бүтээн байгуулалтын он” тоолж эхэлснийг зарлаад байсан NEXT STOP энэ онд Бүтээн байгуулалтын дуудлагыг бүтээгч залуустаа, нийгэмдээ хүргүүлж урин залсан. Дуудлагад “Их Монгол – 2044” нүүхүй, нэгдэхүй, бүтээхүй дор бүтээлч эзэн байж, бүтээгч үеийг төрүүлэн бүтээхч цаг авчрахад цаг үе – залуусаа урин дууджээ. МЗХ, “Залуу удирдагч сан”-гаас 26 дахь жилдээ зохион байгуулж буй NEXT STOP наадамд олон нийтээс нэр дэвшүүлсэн 300 гаруй бүтээгч залуусаас санал хураалт, зохион байгуулагчдын шалгуураар салбар тус бүрд тэргүүлсэн 33, нийт 66 эрхэм тодорчээ. Эдгээр 66 эрхэм нь Бүтээн байгуулалтын 25 жилд бүтээн байгуулалтын эзэд байж ачааны хүндийг үүрч явна гэдэгт Монголын залуус итгэж, сонгож байна. Эдгээр эрхмүүд тус наадамд урилгаар оролцох бөгөөд тухайн өдрөө буюу энэ  сарын 29 нд  наадамд оролцож буй нийт зочдын олонхийн саналаар “Алтан Гэрэгэ”-ний эздээ тодруулна. Нэг зүйлийг онцлоход тус наадмын зохион байгуулагчдын зүгээс “Хар жагсаалт”, ЖДҮ болон “60 тэрбум”-ын асуудалд оролцсон хүмүүсийг нэр дэвшүүлэхгүй гэсэн нэг гол шалгуурыг тавьсан бөгөөд энэ нь хулгайчдыг дэмжихгүй, шударга, хариуцлагатай бүтээгчдийг дэмжих зорилготой юм. Бүтээгч үеийнхэн хэнд итгэл хүлээлгэж, хэн тэднийг манлайлахыг энэ сарын 29-нд хамтдаа харцгаая.   ИХ МОНГОЛ – 2044 нүүхүй, нэгдэхүй, бүтээхүй   Бүтээгч улс төрч 33, Бүтээгч бизнесмэн 33 эрхмийг дараах мэдээллээс харж nextstop.myf.mn -рүү орж саналаа өгнө үү.