Х.Оюунболд   НАТО-гийн гишүүн орнууд  бат бэх байдлаа бэхжүүлэхийн тулд гадны сүрдүүлэг, заналхийллийг  хайдаг гэж ОХУ-ын ерөнхийлөгч Владимир Путин мэдэгджээ. Түүнээс жил бүр хийдэг хэвлэлийн хурлынх нь үеэр  яагаад Барууны орнууд яагаад ОХУ-ыг болон бүх дэлхийг сүрдүүлж байна вэ гэж асуухад “НАТО-гийн гишүүн орнуудыг нэгтгэхэд  сүрдүүлэг, заналхийлэл хэрэгтэй. Тийм зүйл байхгүй бол нэгдмэл байдлыг хадгалах боломжгүй” гэжээ.  Үүнээс гадна ОХУ дэлхий дахиныг захирах аргыг хайж байгаа талаар түүнд тавьсан асуултад Путин “Бид үүнийг зорилгоо болгосон төв байр хаана байдгийг мэднэ. Энэ төв нь Москвад байхгүй” гэж хариулсан байна. Мөн “АНУ-ын эдийн засгийн салбарын олон улсын манлайлал, батлан хамгаалах салбарт зарцуулдаг төсөвтөө 700 тэрбум гаруй ам.доллар зарцуулдаг. Харин ОХУ 46 тэрбум ам.доллар зарцуулдаг. ОХУ 146 сая хүн амтай, НАТО-гийн гишүүн оронд 600 сая хүн амьдардаг. Ийм байхад бид дэлхийг хяналтдаа байлгах  аргыг хайж байна гэж бодож байна уу” гэж онцолжээ. Владимир Путины бодож буйгаар ялангуяа, Зүүн Европт ОХУ-ын эсрэг үзэл өсөн нэмэгдэж байгаа ажээ. Харин ОХУ-ын гадаад бодлогын зорилго нь  тус улсын эдийн засгийн салбар, нийгэм хөгжих таатай нөхцлийг бүрдүүлэх,ОХУ олон улсын тавцанд нэр хүндтэй байр суурийг эзлэхийг баталгаажуулахад байгаа юм байна.   Эх сурвалж: polit.mn