В.Путиний хэвлэлийн хурлыг шинжээч тайлбарлав

Нүүр

Дэлхийн улс төр

В.Путиний хэвлэлийн хурлыг шинжээч тайлбарлав

2018-12-21

Нийтэлсэн: Админ

1 мин

ХУВААЛЦАХ

ЖИРГЭХ

Д.ЭНХЭЭ ОХУ болон дэлхийн нийгэм-эдийн засгийн нөхцөл байдал, гадаад, дотоод улс төрийн бодлоготой холбоотой сэтгүүлчдийн тавьсан төрөл бүрийн асуултад хариулсан ОХУ-ын ерөнхийлөгч Владимир Путиний хэвлэлийн бага хурлыг Хүмүүнлэг-улс төрийн судалгааны олон улсын хүрээлэнгийн шинжээч Владимир Брутер тайлбарлажээ. “Иймэрхүү хэвлэлийн бүх бага хурлын хувьд асуултын хурц байдал, хариултын агуулгын хувьд ёсорхог шинжтэй зүйл олон байдаг. Сэтгүүлчид хоёр гол зүйлээр байнга асуудаг. Үүнд: дотоодод хуримтлагдаж тулгамдсан асуудал (орон нутгийн сэтгүүлчдэд гол төлөв хамаатай), эсвэл ямар нэг гол үндсэн чиглэлийн сэдэв (эрч хүчтэй олон нийтийн мэдээллийн хэрэгслийнхэнд хамаарна). Тийм учраас бүхэлд нь авч үзвэл гэнэтийн асуулт, хариулт байгаагүй” хэмээн шинжээч өгүүлэв. В.Путин хэвлэлийн бага хурлын бүх ачааллыг дааж чадсан хэмээн Брутер онцлов. “Эдийн засгийн сэдвээр тавьсан олон асуултад тэр иймэрхүү хэвлэлийн хурал дээр хариулж болох тийм л хэмжээнд хариулсан. Ерөнхийлөгч цаг хугацаа, асуултуудыг яв цав тохируулж чадсан. Ийм хэвлэлийн хурлын хүрээнд хариулт нь асуултаасаа товчхон байдаг” хэмээн тэрээр яриагаа төгсгөв. Арванхоёрдугаар сарын 20-нд Москва дахь Олон улсын худалдааны төвд Путиний 14 дэх хэвлэлийн том хурал болж өнгөрлөө. Эх сувалж: Зууны мэдээ сонин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

1 цаг 27 мин