[caption id="attachment_52286" align="alignnone" width="850"] Манай сонины гэрэл зурагчин, тоймч Д.Цэрэннадмид “Алтан цом”-ын эзэн боллоо.[/caption] Б.ТУУЛ   Монголын гэрэл зурагчдын нэгдсэн холбоо шинэ жилийн баяраа тэмдэглэж, оны ажлаа дүгнэлээ. Тус холбооныхон улиран одож буй энэ онд ажлын цар хүрээг тэлэх, гэрэл зургийн урлагийг олонд таниулах, шинэ залуу үеэ бэлтгэх, зурагчдынхаа бүтээлийн үнэ цэнийг өсгөхөөр олон талын ажил зохион байгуулсан байна. Мөн гэрэл зурагчдынхаа бүтээлийг ном, үзэсгэлэнгийн хэлбэрээр олон нийтэд сурталчилан, Япон, ОХУ, Хятад, ӨМӨЗО-ы хэвлэл мэдээлэл, агентлагийн гэрэл зурагчдыг Монгол орноо гадаадад сурталчлах, “Өнөөдрийн Монгол” төслийг хэрэгжүүлж, хамтарсан аялал, 10 орчим удаагийн гэрэл зургийн үзэсгэлэн гаргажээ. Одоо “Асах гэрэл” шоу нэвтрүүлгийг UBS телевизтэй хамтран зохион байгуулж байна. Монголын гэрэл зурагчдын нэгдсэн холбооныхон шинэ жилийнхээ баяраар шилдгүүдээ тодруулахад, “Зууны мэдээ” сонины сурвалжлагч Д.Цэрэннадмидыг оны шилдэг гэрэл зурагчнаар шалгаруулж, “Алтан цом” гардуулсан юм. Мөн “Хүн”, “Байгаль” нэртэй зургийн уралдаан зарласнаа дүгнэсэн байна. Уралдаанд 68 хүний 250 гаруй бүтээлээс гурван номинациар шилдгүүдийг шалгаруулахад “Байгаль” сэдэвт Г.Ган-Өлзий, “Хүн” сэдэвт Н.Бат-Эрдэнэ, “Хот” сэдэвт Б.Чадраабал нар тэргүүн байр эзэлжээ. Эх сурвалж: "Зууны мэдээ" сонин