Н.Даян Шинжлэх ухааны академийн ээлжит их чуулган хуралдаж шинэ академичдыг шалгаруулжээ. Энэ жил 14 эрдэмтэн нэр дэвшсэнээс долоо нь академич болсон байна. Тухайлбал, ШУА-ийн эрдэмтэн нарийн бичгийн дарга, химийн шинжлэх ухааны доктор Б.Авид, ШУА-ийн бүтцийн академиуд хариуцсан нарийн бичгийн дарга, Нийгмийн эрүүл мэндийн тэнхимийн эрхлэгч, МАУА-ийн үндэслэгч гишүүн, анагаахын шинжлэх ухааны доктор, профессор Б.Бурмаажав, Одон орон, геофизикийн хүрээлэнгийн захирал, геологи, минерологийн шинжлэх ухааны доктор, профессор С.Дэмбэрэл, Түүх, археологийн хүрээлэнгийн захирал С.Чулуун, ОХУ-ын Дубна хот дахь Цөмийн шинжилгээний нэгдсэн институтийн Мэдээллийн технологийн лабораторийн эрдэм шинжилгээ эрхэлсэн орлогч захирал, физик математикийн шинжлэх ухааны доктор, Төрийн шагналт О.Чулуунбаатар, Гэмтэл согог судлалын үндэсний төвийн ерөнхий зөвлөх эмч, анагаахын шинжлэх ухааны доктор, профессор, Хүний гавьяат эмч Р.Шагдарсүрэн, ШУТИС-ийн Сургалт, оюутны асуудал эрхэлсэн дэд захирал, техникийн шинжлэх ухааны доктор, профессор Х.Энхжаргал нар академич хэргэм хүртжээ. Эх сурвалж www.polit.mn