Х. Оюунболд БНХАУ-ын технологийн салбарт тэргүүлэгч “Хуавей” компани өчигдөр АНУ-ын хүсэлтээр Канадад энэ сарын 1-нд баривчлагдсан Мэн Ванжоу батлан даалтаар суллахыг хүсч байгаагаа илэрхийлсэн гэж “Ройтерс” агентлаг мэдээллээ. Энэ компанийг үндэслэгчийн охин 46 настай. Түүнийг Вашингтоноос Тегеранд тавьсан хоригийг зөрчсөн гэж буруутгаж байгаа юм байна. Үүнийг нь БНХАУ шүүмжилснээс гадна суллахыг шаарджээ. Мөн Бээжинд суугаа АНУ-ын Элчин сайд Терри Бранстедтэй уулзаж хийсэн алхмыг нь хүчтэй эсэргүүцэж байгаагаа илэрхийлсэн байна. Харин Мэн Ванжоу тангараг өргөж өгсөн мэдэгдэлдээ ”Түүнийг буруутгаж байгаа хэрэгт өөрийгөө гэмгүй” гэдгээ мэдэгджээ. Түүнчлэн АНУ-ын шүүхэд шилжүүлсэн ч өөрийг нь буруушааж байгааг үгүйсгэнэ” гэсэн байна.  Мэн Ванжоуг баривчлагдсаных нь дараа даралт нь ихэссэн шалтгаанаар эмнэлэгт хэвтүүлжээ. Энэ нь түүнийг батлан даалтаар суллах хүсэлт гаргах нөхцөл болж байгаа аж. Мөн түүний гэр бүлийнхэн Мэн Ванжоуг батлан даалтаар сулласан тохиолдолд Ванкувер хотод байх зөвшөөрөл хүссэн байна. БНХАУ-ын Гадаад хэргийн яамны  хэвлэлийн төлөөлөгч Ген Шуан “Канад, АНУ энэ хоёр орон түүнийг хууль зөрчсөнийг нотолсон нотолгоо өгөөгүй” гэж зэмлэжээ. Иймээс түүнийг хурдан суллахыг шаардсан байна. Харин Канадын Гадаад хэргийн сайд Христя Фриланд Оттава Бээжин харилцах харилцаагаа хүндэтгэж байгаагаа мэдэгджээ. Мөн Оттава Бээжинд  шаардлагатай үйл явцыг хатуу чанд сахина гэдгээ баталсан байна. Эх сурвалж: www.europapress.es