Т.САЙХАН УИХ-ын чуулганы нэгдсэн хуралдаанаар Засгийн газрыг огцруулах асуудлыг хэлэлцсэн ч гишүүдийн олонх дэмжсэнгүй.  Энэ үеэр Ерөнхий сайд У.Хүрэлсүхийн хэлсэн хоржоонтой эшлэлүүдийг хүргэж байна. -Парламентад сууж байгаа нэлээдгүй олон хүнд хариуцлага тооцно.  Би Ерөнхий сайдаар үлдсэн, үлдээгүй ёс зүй, хуулийн хариуцлага тооцно! -Насаа дуустал, ясаа цайтал би шударга ёсны төлөө би тэмцэнэ. Намайг бүлэглэлүүд  худалдаж авна гэвэл худлаа. Мөн намайг айлгана гэвэл бүр худлаа шүү! -Би дарангуйлагч биш шүү. Намайг цэргийн хүн учир дарангуйлагч болно гэж хараад байх шиг байна, үгүй! -Би Парламентын засаглалыг дэмждэг. Монгол Улсыг Парламентийн засаглал л авч явна. Гэхдээ энэ засаглалаа улам төгөлдөржүүлмээр байна! -О.Содбилэг ээ.  Алдагдалтай ажиллаад ч болов тэр шатахууны үнэ буулгаарай -Шударга бусаар баяжиж монголын баялгийн завшсан нөхөдтэй хатуу тэмцэнэ. Өдөр ирэх тусам би хэлсэн зүйлийнхээ төлөө чангарч ажиллана! -Би хүчирхийлэлд дургүй. Би хоёр охины эцэг хүн! -Хоёр, гурван тоосго сугалахын төдийд Засгийн газрыг огцруулна гэж байна. Ард түмэн миний талд байгаа. Нэг өдрийн дотор надад ард түмнээс 2500 мессеж ирсэн. Надад маш том итгэл өгч байна! - Надад эх орноо гэсэн сэтгэл байна. Эх орны үнэ цэнийг зарим надад цусаар нулимсаар ойлгуулсан юм. Би эгэл жирийн жолоочийн хүүхэд! - Н.Номтойбаяр та тийм л шударга юм бол “Цагаан суварга”-аа буцаагаад өг, 36 лиценз ээ буцаагаад өг. Үзвэл үзье! -Харин би чамайг Солонгосоос авч ирсэн. Ишиг иврээ ургахаар эхийгээ мөргөнө гэж. Чи дандаа худлаа ярьдаг! Эх сурвалж:www.polit.mn