Дэлхийн мисст оролцож буй Э.Энхриймаагийн хэлсэн шилдэг ишлэлүүд

Нүүр

Геополитик

Дэлхийн мисст оролцож буй Э.Энхриймаагийн хэлсэн шилдэг ишлэлүүд

2018-12-01

Нийтэлсэн: Админ

1 мин

ХУВААЛЦАХ

ЖИРГЭХ

Ч.ГАНТУЛГА Эх дэлхийн эв найрамдлын бэлгэ тэмдэг болсон “Miss world-2018” тэмцээн БНХАУ-ын Саньяа хотод үргэлжилж байна. Тэмцээний ялагч энэ сарын 8-нд тодрох юм. Энэ удаад Монгол Улсыг төлөөлж, “Монголын сайхан бүсгүй-2018” уралдааны “Алтан эрдэнэ” өргөмжлөлт Э.Энхриймаа оролцож байна. Тэрээр Орхон аймгийн харьяат, СЭЗИС-д “Олон улсын нягтлан бодогч” мэргэжлээр суралцдаг, орос, англи хэлтэй. Ингээд түүний хэлсэн шилдэг ишлэлүүдийг хүргэе.

-Би энэ титмийг ээждээ зүүлгэмээр байна. Ээж маань намайг энэ тайзан дээр хөтөлж ирсэн. Миний ээж барилгын инженер мэргэжилтэй. Зарим эцэг эхчүүд үр хүүхдэдээ харгис ханддаг юм байна. Харгислалаас харгислал төрдөг. Миний бие хойч үеэ энэрэнгүй зөөлөн сэтгэлтэй болоосой гэж хүсч байна.

- “Монголын сайхан бүсгүй” тэмцээн миний хувьд өөрийгөө шинээр нээж, өөрийгөө ялан дийлэх талбар болсон. Ялагч болсон нь өөрийгөө ялан дийлсэнд өгсөн өндөр үнэлгээ юм.

- Аав ээж маань намайг Монгол Улсын боловсрол, мэдлэгтэй, соёлтой иргэн болгон төлөвшүүлэхийн төлөө бүхнээ зориулсан. Тэднийхээ ачийг хариулах нь миний эрхэм үүрэг.

-Хүмүүсийн гэр бүлийн суурь хүмүүжил, эрдэм номд зарцуулсан цаг хугацаа хаана, хэрхэн байршихыг нь тодорхойлдог. Тиймээс нас минь залуу байна. 23 нас хүртлээ суурь мэдлэгээ тэлэхэд онцгой анхаарал хандуулна. Түүнээс цааш үнэт зүйл, хүсэл мөрөөдлөө тэргүүнд тавина.

-“Монголын сайхан бүсгүй” хэмээх нэр хүндтэй уралдааны тэргүүн титмийн эзний хувьд, өөдөө өргөж явах үүрэг хариуцлагаа бүрэн ухамсарлаж, намайг гээд зорьж ирсэн бүх саналд хүндэтгэлтэй найрсагаар хандах болно.

-Бүсгүй хүний хамгийн хүчтэй зэвсэг гоо сайхнаас гадна мэдлэг боловсрол юм. Тиймээс охид бүсгүйчүүддээ үзэмж гоо байхын дээр оюунаа цэнэглээрэй гэж захие.

Эх сурвалж: www.polit.mn