Х.ОЮУНБОЛД АНУ-ын худалдааны төлөөлөгч Роберт Лайтхазер гаргасан мэдэгдэлдээ “Ерөнхийлөгч Доналд Трампын тушаалаар БНХАУ-д үйлдвэрлэсэн машинд өндөр татвар ногдуулах боломжийн талаар судална” гэжээ. Тэрээр “БНХАУ АНУ-ын машинд 40 хувийн татвар ногдуулдаг. Энэ нь  АНУ одоо БНХАУ-д үйлдвэрлэсэн машинаас 27.5 хувийн татвар авдгаас хагас хувиар илүү байгаа юм гэв. Иймээс ерөнхийлөгчийн тушаалаар автомашинд ногдуулсан татварыг тэнцүүлэх талаар бүх арга хэмжээг шалгаж үзнэ гэж нэмж хэлсэн байна. Роберт Лайтхазерын хэлснээр БНХАУ-ын улсын үйлдвэрийн бодлого АНУ-ын үйлдвэрлэгч, ажилчдад их хохирол учруулж байгаа ажээ.  Хоёр орны хоорондын худалдааны маргаан Дональд Трамп өнгөрсөн гуравдугаар сард ган, хөнгөн цагааны импортод шинэ татвар ногдуулсны дараа дэгдсэн юм. Мөн энэ маргаан нь АНУ-ын ерөнхийлөгчийн засаг захиргаанаас  өнгөрсөн тавдугаар сард БНХАУ-ын импортын бараанд 50 тэрбум ам.доллартай тэнцэхүйц 25 хувийн татвар ногдуулсан нь зөрчлийг хурцатгаж, Бээжинг хариу арга хэмжээ авахад хүргэсэн юм. Үүнээс хойш  Доналд Трампын засаг захиргаанаас БНХАУ-ын бараанд 250 тэрбум ам.долларын татвар ногдуулснаар Хятад импортын бараанд нь цуврал татвар ногдуулах арга хэмжээг хэрэгжүүлсэн билээ. Эх сурвалж: mundo.sputniknews.com