Ц.БАЯР Хятадын "Фэньвэй” компанийн дэд ерөнхийлөгч Лю Шиньхуа “Хятадын холбогдох байгууллага нүүрсний импортыг их хэмжээгээр хязгаарлана. Одоогоор Фүжянь, Жянсү зэрэг муж импортоо зогсоох мэдэгдэл аваад байна. Хэрэв шийдвэр гаргагчид ирэх оны нүүрсийг урьдчилан захиалахыг зөвшөөрөхгүй бол арванхоёрдугаар сард импорт огцом буурч болзошгүй. Хятад  энэ оныг дуустал нүүрс импортлохгүй байхыг гол боомтууддаа мэдэгджээ. Хятад 2017 онд 271 сая тонн нүүрс импортолсон бол энэ оны эхний 10 сарын байдлаар 252 сая тн болж, өссөн. Импортын хязгаарлалтыг ирэх оны хоёрдугаар сар хүртэл хийнэ” гэсэн бүрэн бус мэдээллийг Хятадын сайтууд нийтэлж байна. Харин манайд нүүрсний гол боомт Гашуунсухайтад гэхэд л энэ сард нүүрсний экспорт хэд дахин унаад байна. Өдөрт 1200 хүртэл машин гардаг байсан бол арваннэгдүгээр сарын 5-наас хойш 40-60 машин гарч байгаа мэдээг орон нутгаас  жолооч нар өгч байна.  Үүнийг далай ламын айлчлал, дүр тодруулах зэргээс болсон мэтээр хил орчимд ярьцгааж байна. Эх сурвалж: www.polit.mn