Ч.ОЛДОХ Сүхбаатар аймгийн иргэн, хоёр хөөрхөн охины ээж  Д.Болортуяа хэмээх бүсгүйд амьдрал бэлэглэх “Хандивын аян”-нд нэгдэхийг түүний найзууд, ойр дотныхон олон нийтэд хандан уриалаад байна. Хэдхэн сарын өмнө аз жаргалаар дүүрэн байсан энэ гэр бүл хорт хавдар хэмээх аюулт өвчинтэй тулгарч хүнд сорилтын өмнө ирээд байгаа ажээ.  Учир нь гэрийн эзэгтэй Д Болортуяа  хүнд өвчнөөр өвдөж, хоёр  сарын өмнө цээжний хөндийн хорт хавдартай, хавдар нь бамбай булчирхайд үсэрхийлсэн гэсэн онош илэрч, улмаар   Монголд  эмчлэх боломжгүй гэсэн хариуг эмч нар өгчээ. Гадаадын хэд хэдэн эмнэлэгт хандахад БНСУ-ын “Мёнжу”  эмнэлгээс “Цаг алдалгүй ирж чадвал эмчлэгдэх боломжтой”  гэсэн хариуг ирүүлсэн байна.Эмчилгээний нийт зардал 125 сая төгрөг шаардлагатай болсон тул тэдний гэр бүл, найз нөхөд, ойр дотныхон  ийнхүү элэг нэгт монголчууддаа хандсан байна. Д.Болортуяа  саяхан амаржсан,  нялх биетэй нэг сар гаруй болж байгаа  охин нь ээжийнхээ сүүг амталж үзээгүй, тавхан настай эгч нь эмээсэн харцаар ээжийгээ харан өдөр хоногуудыг өнгөрүүлж буй юм. Эхийн цагаан сүү, хоёр хөөрхөн охиных нь буян заяа түшиж эдгэнэ гэдэгтээ тэрээр   итгэлтэй  байгаа ажээ. Залуу гэр бүлийг элэг бүтэн аз жаргалтай амьдрахад монгол түмэн минь халуун сэтгэлээр тусална уу. Сайхан сэтгэл хэзээ ч унтдаггүй, хэн нэгнийг бас мартдаггүй.  Айл бүхнээс юулт өвчин хол байж эрүүл энх саруул сайхан байг. Д.Болортуяа түүний гэр бүлтэй 8000-4806, 8843-2322 дугаарын утсаар холбоо барьж болно.

Хандивын данс: Хаан банк 5630209067 Д.Болортуяа Хас банк 5001195712.