Т.САЙХАН Их эзэн Чингис хааны мэндэлсний 856 жилийн ой, "Монгол бахархлын өдөр" энэ сарын 8-нд тохионо. Энэ өдөр үндэстний өмнө онцгой гавьяа байгуулсан нэг иргэнийг Монгол Улсын төрийн дээд шагнал-тэргүүн зэргийн одон “Чингис хаан” одонгоор шагнадаг уламжлал тогтоод байгаа билээ.  Өнгөрсөн жил Олимпийн аваргын алт, мөнгө медальт жудо бөхийн тамирчин Найдангийн Түвшинбаярт хүртээж байлаа.  Энэ жилийн Чингис хаан одонтныг  удахгүй зарлахаар Ерөнхийлөгчийн Тамгын газрынхан ажиллаж байна. Монгол Улсын төрийн дээд шагнал-тэргүүн зэргийн одон “Чингис хаан” одон хүртэгсэд: Төрийн дээд шагнал-тэргүүн зэргийн одон “Чингис хаан” одонгоор 2005 оноос өнөөдрийг хүртэл  нийт 10 хүнийг шагнасан бөгөөд 2005 онд Монгол Улсын анхны Ерөнхийлөгч П.Очирбат, 2006 онд Төрийн шагналт хөгжмийн зохиолч Б.Шарав нарыг шагнаж 2007, 2008 онд тасарчээ. 2009 онд Монгол Улсын Ерөнхий сайд асан Д.Бямбасүрэн, 2010 онд Төр, нийгмийн зүтгэлтэн Р.Гончигдорж, 2011 онд Монгол Улсын Ерөнхийлөгч асан Н.Багабанди, 2012 онд УИХ-ын гишүүн асан Д.Дэмбэрэл, 2013 онд Монгол Улсын Ерөнхий сайд асан Д.Содном, 2014 онд нэрт эрдэмтэн, физикч Х.Намсрай, 2015 онд Монгол Улсын Соёлын гавьяат зүтгэлтэн, нэрт зохиолч, яруу найрагч, Г.Мэнд-Ооёо, 2016 онд Монгол Улсын гавьяат жүжигчин, дуурийн дуулаач Г.Ариунбаатар 2017 онд Олимпийн наадмын алт мөнгөн медальт Н.Түвшинбаяр нар үүний өмнө энэхүү эрхэм дээд шагналын эзэд болсон юм. Эх сурвалж:www.polit.mn