Т.САЙХАН Нийслэл дэх Захиргааны хэргийн анхан шатны шүүх нь гуравдугаар улиралд шинээр 1349 нэхэмжлэл, хэрэг хүлээн авч, 634 хэргийг хянан шийдвэрлэсэн байна. Нийт шийдвэрлэсэн хэргийн дотор газрын маргаантай хэрэг 137  , төрийн албаны маргаан 86,  ашигт малтмалын маргаантай хэрэг 84 байна.  Өөрөөр хэлбэл дээрх гурван төрлийн маргаантай хэрэг нийт шийдвэрлэсэн хэргийн 48.7 хувийг эзэлж байна. Мөн шүүхээр зөрчигдсөн эрхээ хамгаалуулахаар хандсан иргэн, хуулийн этгээдийн нэхэмжлэл хэрхэн шийдвэрлэгдсэнийг судлан үзвэл  Захиргааны хэрэг  шүүхэд хянан шийдвэрлэх тухай хуулийн 106 дугаар зүйлээр 397 хэрэг маргааныг шийдвэрлэсэн байна. Энэ нь бүх шийдсэн хэргийн 62.6 хувийг эзэлж байгаа бол 54 хэрэг маргаан буюу 8,5 хувьд нь хэргийг хэрэгсэхгүй болгожээ. Нийт 634 хэргээс 183 буюу 28,8 хувийг нь хялбаршуулсан журмаар шийдвэрлэсэн байна. Нийслэл дэх Захиргааны хэргийн анхан шатны шүүх 2018 оны гуравдугаар улиралд 102.373.369 төгрөгийн хураамж төсвийн орлогод оруулжээ. Эх сурвалж:www.polit.mn