С.САРУУЛ
“Mongolia’s next top model” /MNTM/ нэвтрүүлгийн оролцогч, загвар өмсөгч Ч.Чамин-Эрдэнэ зуурдаар таалал төгссөн харамсалтай үйл явдал болсон.
Энэ сарын 24-ний /2018.10.24/ шөнө Цагдаагийн ерөнхий газрын Мэдээлэл шуурхай, удирдлагын төвийн утсанд талийгаач өндөр барилгаас унасан байдалтай олдсон талаар дуудлага ирсэн байна. Хэргийг Хан-Уул дүүргийн Цагдаагийн нэгдүгээр хэлтэст шалгаж байгаа бөгөөд цагдаагийн эх сурвалжийн мэдээлснээр загвар өмсөгч бүсгүйн үхэлд урьдчилсан байдлаар гадны нөлөө тогтоогдохгүй байгаа гэлээ. Ч.Чамин-Эрдээн Хан-Уул дүүргийн XV хороо Кей эйч apartment-аас унаж амиа алджээ.
Тэрээр эмээтэйгээ амьдардаг бөгөөд их дуу цөөтэй, зожиг хүүхэд байсан гэж мэдүүлжээ. Задлан шинжилгээний дүгнэлт 21 хоногийн дараа гарах бөгөөд тэр үед архи уусан байсан эсэх зэрэг үхлийн шалтгаан тодрох юм байна.
Эх сурвалж: www.polit.mn