-Б.Дэлгэрсайхан гишүүний хэлсэн үг буюу дунд шатны албан тушаалтнуудын хүнд суртал дарамтыг халахын төлөө МАН юу хийх вэ-

Д.АРИУН УИХ-ын гишүүн Б.Дэлгэрсайхан өнгөрсөн мягмар гаригт /2018.10.23/ Эдийн засгийн байнгын хороон дээр нэлээд бухимдалтайгаар хэлсэн үгийг улс төрийн хүрээнийхэн өөрөөр өөрөөр хүлээж авч байна. УИХ-ын гишүүн Б.Дэлгэрсайхан хэлэхдээ, -АН-ын үед хувийн аж ахуйн нэгжүүдэд дарамт үзүүлдэггүй байсан. Манай намын үед дандаа дарамт үзүүлдэг. Би байгаа байдлыг ярих гэж байна. Жишээлбэл, Зам тээврийн дэд сайд Халтар гэж нөхөр байна. Хувийн компанийг дарамталдаг. Төмөр замд байхдаа ч ийм нөхөр байсан. Зургаан сард найман вагон унагасан. Замын даргын үзлэг дөнгөж явсны маргааш унасан. Энийг санаатай унагасан. Би бол ерөнхийдөө хэн унагасныг мэдэж байгаа. захиалга өгч. Тухайн үедээ тагнуулд хэлээд шалгаагүй. Энэ ноцтой. Дараа нь Айраг дээр суудлын вагон унасан. Та хөдөлгөөн эрхэлсэн орлогч байсан, тэгээд дэд сайд болсон. Одоо ингээд хувийн вагоныг дарамтлаад Оросоос вагон оруулж ирж түрээслэнэ гэж байна. Ноднин ийм бодлого явуулж байсан. Энэ жил дэд сайд болчихоод энэ бодлогоо хэрэгжүүлэх гэж зүтгэж байгаа. Ийм байдалтай явбал хувийн аж ахуйн нэгж татвар төлж чадахгүй ээ. Сангийн яам тэгээд яаж татвараа бүрдүүлэх гээд байгаа юм. Ийм хулгайч нар байхад чинь. Хэрэв дахиж ингэж хувийнхаа юмыг увайгүй түлхэх юм бол хатуу ярина шүү. Яаж дэд сайд болсон юм. Одоо тэгээд таван жил болж байгаа хувийн вагоныг шалгана гээд байгаа юм. Гучин жил явж байгаа төмөр замын вагон тэгээд яаж явдаг юм. Би төмөр замд насаараа ажилласан. Иймэрхүү байдлаар хувийн аж ахуйн нэгжийг дарамтлаад байдаг юмаа яаж шийдэх юм. Манай нам яаж шийдэх юм. Манай нам дандаа л ингэж хувийн аж ахуйн нэгжийг дарамт үзүүлж байгаа ш дээ. Энэ дунд шатныхан рекет хийдэг. Би өчигдөр гудамжны хулгайчийг рекет хийгээд байхаар нь хэлсэн. Ер нь бол цаашдаа ийм яам тамгын газарт сууж байгаа нөхдүүд рекет хийж дарамталж, хувийн аж ахуйн нэгжийг дарамтлаад байх юм бол энэ төсвийн орлого чинь бүтэхгүй. Ялангуяа эдийн засгийн байнгын хороо энэ дээрээ арга хэмжээ ав. Та нар арга хэмжээ авдаггүй юм бол би энэ томилсон намтай нь яръя гэж бодож байгаа. Зүгээр явж байгаа аж ахуйн нэгжийг дарамтлаад утгагүй шүү дээ. Хаа очиж Ардчилсан намын үед ямар ч дарамт ирдэггүй байсан. Би нүүрийг нь хараад долигнож байгаа юм биш. Манай намын үед, ялангуяа гишүүд та нар тавьсан “дурак”-уудаа харах хэрэгтэй ш дээ. Ингэж хүн доромжилж, аж ахуйн нэгжийг дарамталж болохгүй. Өөрөө даалгавар өгч дарамталж байна шүү дээ. Нэртэй устай нь хэлбэл бүгдийг нь хэлж чадна... хэмээн хэлсэн юм. Б.Дэлгэрсайхан гишүүний хэлсэн үгэнд анхаарал татсан хэд хэдэн асуудал байгааг анзааралгүй өнгөрч болохгүй.  Үүнд: -МАН-ын үед аж ахуйн нэгжүүд  дээр ирж байгаа дарамт яагаад ихсээд байна вэ? -Дарханд найман вагон унасан асуудал бүрэн гүйцэд шалгагдаж үнэн зөвөөр дүгнэлт нь гарсан уу? -Вагон унасан асуудлыг Тагнуулынхан яагаад шалгаагүй вэ? -Дорноговь аймгийн Айраг сумын нутагт суудлын галт тэрэг замаасаа гарсан осол болсны дараа УБТЗ-ын хөдөлгөөн хариуцсан орлогч дарга байсан Халтар дэвшиж дэд сайд болсон нь хариуцлага тооцсон алхам уу, хариуцлагагүйг дэвшүүлсэн шагнал байсан уу? -Төрийн байгууллагын дунд шатны албан тушаалтнуудын дарамтыг багасгахад эрх баригч МАН эрхэм гишүүний үгийг анхаарч ямар арга хэмжээ авах бол?