Х.ОЮУНБОЛД Дэлхий нийтээрээ тархины цус харвалттай тэмцэх өдрийг энэ сарын  29-нд тэмдэглэнэ энэ талаар  Монголын харвалт судлалын нийгэмлэгээс хэвлэлийн хурал хийлээ. Энэ үеэр Монголын Харвалт судлалын нийгэмлэгийн тэргүүн Р.Амарбаясгалан “Манай оронд энэ өвчний улмаас нас барагсад болон өвчлөгсдийн тоо буурахгүй газар авч байгаатай холбоотой” гэв.  Манай оронд харвалтад хүргэх эрсдэлт хүчин зүйл  өндөр байна.  Учир  нь бид өөх тоостой хоол иддэг, давстай цай уудаг, хөдөлгөөний дутагдлын улмаас  жин нэмэгдэж байгаа нь нөлөөлж байна” гэж хэллээ.  Харин Нийгмийн эрүүл мэндийн үндсэний төвийн  эрүүл мэндийг  дэмжих, өвчлөлөөс  урьдчилан  сэргийлэх албаны дарга Р. Гэрэлмаа “Эрүүл мэндийн яам, Засгийн газар энэ өвчлөлтэй холбоотой мөрийн хөтөлбөртөө  2016-2020 оны үйл ажиллагаанд хүн амыг урьдчилсан  сэргийлэх үзлэгт оруулна” гэж заасан байгаа. Манай сайдын 289 дүгээр тушаалаар халдварт бус өвчинтэй тэмцэх үндэсний хөтөлбөрийг хэрэгжүүлэх ажиллагааны хүрээнд энэ жилээс  жил бүр 18-аас дээш насны хүмүүсийг үзлэгт хамруулна гэсэн тушаал гарсан” гэв. Энэ нь тархины цус харвалт нэмэгдэх эрсдэл нэмэг­дэж байгаатай холбоотой. Шин­жилгээ хийж цус харвах эрсдлийг тодор­хойлс­ноор энэ өвчнөөс сэргийлэх юм. Тухайлбал,  Эрүүл мэндийн даатгалаас үз­лэгийн төлбөрийг нь төлөх бололцоог бүрдүүлснээр иргэдэд үзлэг хийх нөхцөл бүрдэж байна. 18 насанд зургаан төрлийн шинжилгээ хийнэ. Харин 35 наснаас дээш насныханд жил бүр шинжилгээ хийх  боломжтой болж байгаа юм гэж хэллээ. Түүнчлэн хэвлэлийн хуралд оролц­сон эмч нарын зүгээс энэ өвчнөөс урьдчилан сэргийлэх талаар иргэдэд бага наснаас нь мэдлэг олгох, эрүүл мэнддээ анхаарах нь чухал болохыг онцлон дурдсан юм. Энэ  сарын 29-нд дэлхий ний­тээрээ тархины харвалттай тэмцэх өдрийг  “Харвалт биднийг сөхрүүлсэн ч бид босч чадна” гэсэн уриан дор тэмдэглэн өнгөрүүлэх юм байна. Эх сурвалж: “Зууны мэдээ” сонин