С.САРУУЛ МАН-ын удирдлагуудын төрийн албыг наймаалцах гэсэн 60 тэрбумын бичлэгийг анх дэлгэсэн Г.Доржзодов дахин гарч ирэв. Тэрээр “60 тэрбумын асуудал дэгдээд дөрвөн жил болж байхад ахиц дэвшил гарсангүй. Хуулийн байгууллагууд шударга үнэн ажиллаж чадахгүй байгаа учраас дахин олон нийтэд хандахаас өөр аргагүй боллоо” гэдгийг мэдээллийн эхэнд тодотголоо. Мөн “Би АТГ-аас хүнээр дамжуулж хавтаст хэрэг олж авсан. Түүнд Ц.Сандуй, А.Ганбаатар, М.Өлзий нарын худал мэдүүлгээр бүхнийг шийдэж байгаа талаарх материал бий. Хамгийн ноцтой нь би 60 тэрбумын талаар хэд хэдэн удаагийн аудио бичлэгийг сайтад байршуулж, хуулийн байгууллагад нотлох баримт болгож өгсөн. Гэтэл АТГ-аас нотлох баримтад байгаагүй флаш болон гурван ширхэг видео бичлэгийг нэмж шүүхийн шинжилгээний байгууллагад өгсөн байна лээ. Энэ бол нотлох баримтыг хуурамчаар үйлдсэн ноцтой үйлдэл. Тагнуулын байгууллага намайг шалгаж надад байсан iphono5, ipad-ийг хурааж аваад буцааж өгөхдөө миний утасыг эвдэлж, нотлох баримтыг үгүй хийсэн. 60 тэрбумын асуудал авлига албан тушаалын хэрэг биш. Төрийн эрхийг хууль бусаар авах гэсэн Үндэсний аюулгүй байдалтай холбоотой зүйл. Тиймээс үүнийг хуулийн байгууллага биш Үндэсний аюулгүй байдлын харьяанд шилжүүлж шалгуулах хүсэлтийг прокурорт гаргаж байна” гэлээ. Эх сурвалж: www.polit.mn