-Удирдлагатай тэсрэх бөмбөгийг сапёрууд аюулгүй болгосныг The New York Times сонин мэдээлжээ-

Д.ЭНХЭЭ Нью-Йорк дахь Жорж Соросын байрны ойролцоогоос даваа гаригт тэсрэх төхөөрөмж олджээ. Энэ тухай The New York Times сонин өөрийнхөө сайтад мэдээлсэн байна. Сонинд мэдээлснээр удирдлагатай тэсрэх төхөөрөмжийг аюулгүй болгохоор сапёрын бүлэг дууджээ. Бедфорд хотын болон Уэтчестер тойргийн эрх баригчид тэсрэх төхөөрөмж болон түүнийг тавих болсон сэдлийн талаар тодруулж эхэлсэн тухай сонины газарт мэдээлсэн байна. Уг төхөөрөмжийн хэв маягийг одоогоор тогтоогоогүй байна. Тэсрэх төхөөрөмжийг олох үеэр Сорос гэртээ байсан эсэхийг сонин тодруулж чадаагүй аж. Жорж Сорос бол Soros Fund Management санг үүсгэн байгуулагч, тэргүүн нь бөгөөд дэлхийн томоохон баячуулын нэг билээ. Forbes сэтгүүлийн мэдээгээр түүний хөрөнгө ойролцоогоор 25 тэрбум доллар. 2016 оны хоёрдугаар сард телеизийн СNN компани түүнийг бүгд найрамдах намаас нэр дэвшигч Дональд Трампын өрсөлдөгч ардчилсан намын Хиллари Клинтонд зургаан сая доллар хандивласан хэмээн мэдээлж байсан. 2008 онд энэхүү санхүүч тухайн үеийн сенатын гишүүн, хожим нь ардчилсан намаас ерөнхийлөгч болсон Барак Обамагийн ерөнхийлөгчид өрсөлдөх хөтөлбөр, үйл ажиллагааг идэвхтэй дэмжиж байсан. 2016 оны төрийн тэргүүний сонгуульд Трампыг ялсны дараа Сорос түүнийг дарангуйлал болон АНУ-ыг мафийн улс болгож хувиргах талыг баримтлагч хэмээн нэрлэжээ. Эх сурвалж: www.polit.mn