Х.ОЮУНБОЛД ОХУ-ын ерөнхийлөгч Цагаан ордны Үндэсний аюулгүй байдлын зөвлөх Жон Болтонтой өчигдөр уулзжээ.  Тэрээр энэ сарын 21-нд ойрын болон дундын тусгалтай пуужинг устгах тухай шинэ гэрээний талаар ОХУ-ын Засгийн газартай хэлэлцэхээр  Москвад ирсэн байна. Түүнчлэн айлчлалынхаа үеэр  ОХУ-ын Аюулгүй байдлын  Зөвлөлийн  сайд Николай Патрушев болон Гадаад хэргийн сайд Сергей Лавровтой уулзжээ. ОХУ-ын Аюулгүй байдлын зөвлөлийн хэвлэлийн албанаас мэдээлснээр Жон Болтон болон Николай Патрушев нар довтолгооны стратегийн зэвсгийн хэрэглээг хязгаарлах, цөмийн зэвсгийн хэрэглээг бууруулах арга хэмжээний тухай гэрээг таван жилээр сунгах болон хоёр орны ерөнхийлөгч  оролцох уулзах хурлыг зохион байгуулах боломжийн талаар хэлэлцсэн байна. Харин  Кремлийн хэвлэлийн төлөөлөгч Дмитрий Песков үүний дараа хоёр орны ерөнхийлөгч уулзана. Гэхдээ энэ уулзалтын бэлтгэл ажлыг хийж эхлээгүй байна гэж нэмж хэллээ. Жон  Болтон Сергей Лавровтой уулзах үеэрээ  Сири, Украйн, Афганистан болон Солонгосын хойгийн нөхцөл байдал, алан хядлагатай тэмцэх зэрэг асуудлыг хэлэлцсэн байна. Эх сурвалж: www.polit.mn