Х.ОЮУНБОЛД Фэйсбүүк компани   Бразилийн ерөнхийлөгчийн сонгуульд өрсөлдөж байгаа Жайр Болсонаруг  дэмжиж нээсэн 68 хуудас болон 43 хуурамч хаягийг хаасан гэж орон нутгийн хэвлэлээр мэдээлсэн байна.  Рапосо Фернандес нийгэмлэгийн  маркетингийн алба  хөлбөмбөгчин Неймар,  дуучин Мадонна зэрэг олны танил хүмүүс багтсан хаяг, хуудсыг  хянаж байсан гэжээ.  Фэйсбүүк дэх энэ хуудас нь зөвхөн сүүлийн 30 хоногт  12 сая гаруй хандалт авсныг олон улсын Авааз байгууллага орон нутгийн сонинтой хамтарч хийсэн судалгааны ажлын дараа илрүүлсэн байна.  Олон нийтийн цахим сүлжээний энэ компаниас гаргасан мэдэгдэлдээ  “Фэйсбүүк компанид бодит байдал бол үндсэн чухал зүйл. Иймээс хүмүүсээс өөрсдийн жинхэнэ нэрийг хэрэглэхийг хүсч байна. Мөн мэдээллийн түгээлтийг нэмэгдүүлэх замаар санхүүгийн олз олох гэсэн муу хүмүүст ашиглуулахгүйн тулд спам хэрэглэхгүй байхыг гуйсан” гэж дурджээ. Цахим орчинд нээсэн хуурамч хаягуудыг  Бразилийн сонгуулийн дээд шүүхээс Жайр Болсонаруд “What App”” дэмжигчдээс нь илгээсэн захидлыг судлах шийдвэр гаргасны дараа хаасан байна. Энэ талаар түүнээс асуухад тэрээр дэмжигчдийнхээ юу хийж байгааг хянах боломжгүй гэжээ. Харин  түүний өрсөлдөгч Фернандо Хаддад үүнийг нь сонгуулийн залилан хийх гэсэн оролдлого гэв. Эх сурвалж: www.polit.mn