Владимир Соловьев

© РИА Новости / Владимир Трефилов

  Д.ЭНХЭЭ Иргэний санаачилгын хорооны дэмжлэг, “Медиастандарт” сангийн санаачилгаар судалгааны ЦИРКОН бүлгийн бэлтгэсэн “Орос иргэдийн нийтийн ухамсар дахь сэтгүүлчийн дүр төрх” хэмээх илтгэлд оросын үзэгч, сонсогчдын дунд телевизийн хөтлөгч Владимир Соловьев, Андрей Малахов ("Россия 1"), Владимир Познер (Нэгдүгээр суваг) нар бусдаас илүү нэр хүндтэй байгааг дурджээ. Судалгааг долоо, наймдугаар сард 18 -аас дээш насны 1604 хүнээс оршин суугаа газарт нь ганцаарчилж харилцан ярилцах аргаар явуулсан юм байна. Судалгаанд оролцогчдод “Янз бүрийн салбараас (телевиз, радио, хэвлэл, интернет) таны хүндэлж явдаг, үзэл бодол нь таны хувьд илүү нэр хүндтэй сэтгүүлчийн нэрийг хэлнэ үү” гэсэн асуулт тавьжээ. Соловьевт 178, Малаховт 131, Познерт 116 хүн санал өгчээ. Медиа (хэвлэл, радио, интернет) салбарт онцолж тодруулах хувь хүн бага байгааг илтгэлд онцолжээ. Үүнээс гадна санал асуулгад оролцсон хүмүүсийн 51 хувь нэр хүндтэй нэг ч сэтгүүлчийг нэрлэж чадаагүй байна. Илтгэлийг зохиогчдын үзэл бодлоор “Тэдгээрийн бараг тэн хагас нь хэн нэг сэтгүүлчийг үнэхээр онцолж чадахгүй байж болох юм, нөгөө хагас нь хэн нэгнийг үнэхээр нэр хүндтэй гэж хүлээн зөвшөөрөхөөс татгалзаж байгаа хэрэг” ажээ. Олон нийтийн мэдээллийн хэрэгслийн ажилтны хувийн шинж чанар маш чухал шалгуур болохыг судалгаанд тэмдэглэсэн байна. Тухайлбал, санал асуулгад оролцогчдын 79 хувь Оросын сэтгүүлчид зоригтой гэсэн бол,  77 хувь нь наргианч, 75 хувь нь тууштай, хичээл зүтгэлтэй  чанарыг онцолсон байна. "Сэтгүүлчдийн цорын ганц сөрөг шинжийг санал асуулгад оролцогчдын ихээхэн хэсэг ичгүүр сонжуургүй бүдүүлэг зан авир, улигладаг явдал” хэмээн илтгэлд дурджээ. Эх сурвалж: www.polit.mn