Х.ОЮУНБОЛД Энэ удаагийн ДАШТ-д амжилттай оролцож чадаагүй Аргентины тоглогч Лионель Месси 2017 онд Форбес сэтгүүлийн гаргасан судалгаагаар  111 сая.ам долларын орлогоор  108 сая ам.долларын орлогоороо судалгааны жагсаалтыг тэргүүлж байсан Португалийн хөлбөмбөгчин Кристиано Рональдог ардаа орхисноор жагсаалтыг тэргүүлж эхэллээ. Лионель Месси өнгөрсөн жил хамгийн их өндөр үнэ хүрсэн тоглогч байсан бөгөөд Форбес сэтгүүлийн тооцоолсноор цалин, рекламны гэрээгээр 111 сая ам.доллар ашиг олсон байна.  Харин энэ сэтгүүлээс хамгийн их үнэ хүрсэн дэлхийн аварга 100 хүний жагсаалтыг өнгөрсөн даваа гаригт гаргасан.  АНУ-ын боксчин Флойд Мейвезер  285 сая ам.долларын орлого олсон энэ жагсаалтын эхэнд бичигдсэн байна. Харин  жүжигчин, дуучин, алдар нэртэй 100 хүнийг багтаасан жагсаалтад спортоос түүний араас VIII байрт 2017-2018 онд оролцсон бүх тэмцээнийхээ үеэр 45 гоол оруулсан Лионель Месси оржээ. 2020-2021 хүртэл  ФС Барселон багт тоглох гэрээг 2017 оны арваннэгдүгээр сард байгуулсан түүнд жилд цалин, шагналыг нь оролцуулаад 80 сая гаруй ам.доллар төлөх болсноор тоглолтын талбайд гүйцэтгэсэн ажлаараа хамгийн их цалин авдаг тамирчин болжээ. Үүнээс гадна “Адидас”,“Пепси” “Хуавей” зэрэг  компанийн зар сурталчилгаанд тоглосноор 111 сая. ам.долларын ашиг олсон байна. Түүнчлэн  БНХАУ-ын Нанжинд  2020 онд түүний амьдралаас сэдэвлэсэн “Experience Park” нээгдэх юм байна.  Форбес сэтгүүл энэ нэртэй хүмүүсийг олсон ашиг орлогоор жагсаасан жагсаалтыг 2017 оны зургадугаар сарын 1-нээс 2018 оны зургадугаар сарын 1 хүртэл төлсөн татварт нь тулгуурлан гаргажээ. Эх сурвалж:.elespectador.com