Ч.Очгэрэл: Эсрэг дүр илүү авьяас шаарддаг

Нүүр

Street News

Ч.Очгэрэл: Эсрэг дүр илүү авьяас шаарддаг

2018-05-08

Нийтэлсэн: Админ

1 мин

ХУВААЛЦАХ

ЖИРГЭХ

Ч.ГАНТУЛГА “Утасны анд” энэ удаад дуучин, жүжигчин Ч.Очгэрэлтэй холбогдлоо. Тэрээр хамгийн сүүлд “Говийн домог” кинонд дүр бүтээсэн бөгөөд одоогоор “Яг түүн шиг” шоугаар үзэгчидтэй уулзаж байна. -Сайн байна уу. Өдрийн мэнд хүргэе? -Баярлалаа. Танд ч бас энэ өдрийн мэндийг хүргэе. -“Яг түүн шиг” шоугаар үзэгчидтэйгээ мэндчилсэн. Шоунд оролцох саналыг хэрхэн хүлээж авсан бэ? -Үнэхээр догдолсон. Гэхдээ залуу уран бүтээлчийн хувьд өөрийгөө сориод үзэхээр шийдсэн. Өөрийгөө ч танихааргүй өөрчлөгдөж, үзэгчдэд жинхэнэ шоу үзүүлмээр байна. -Үүнээс гадна та “Говийн домог” кинонд дүр бүтээсэн? -“UBS” телевизтэй хамтарч гурав дахь дэлгэцийн уран бүтээлээ өлгийдөж авлаа. Энэ бүтээл домгийн сэдэвтэй. Тиймээс илүү тоглолт, ур чадвар шаардсан. Бид жилийн дөрвөн улиралд зураг авалт хийлээ. Үүнээс гадна Буриадын алдартай жүжигчинтэй хамтран тоглож, их туршлага хуримтлууллаа. -Дүрийнхээ тухай тодотгооч. Үзэхэд их хурц, ширүүн төрхтэй харагдаж байсан? -Исэргэн хатны дүр их өвөрмөц. Хааны ордонд, ямар ч аз жаргал, үр хүүхэдгүй залуу насаа үдэж буй бүсгүй. Хэдийгээр анх харахад их ширүүн, хүйтэн хөндий юм шиг боловч киноны төгсгөлд хувирдаг. -Таныг эсрэг дүр сайн бүтээдэг гэх юм билээ? -Эсрэг дүр тухайн жүжигчнээс илүү авьяас, ур чадвар шаарддаг юм билээ. Тиймээс дүрээ сайн судалж, чадахаараа бүтээхийг хүсдэг. Хэдийгээр би мэргэжлийн жүжигчин биш ч оролцсон уран бүтээл бүртээ өөрийгөө дайчилж, хариуцлагатай хандахыг хичээдэг. -Та МУИС-ийг дипломатич мэргэжлээр төгссөн. Яагаад урлагт дурласан юм бэ? -Анх “Universe best songs” наадамд оролцсоноор урлагт илүү дурлах болсон. Удалгүй “Мартагдашгүй намар”, “Содура” гэсэн бүтээлд тоглох боломж олдсон. Мэргэжлийн уран бүтээлч биш ч надад тэр итгэлийг хүлээлгэсэн болохоор би алдахгүйг хичээсэн. -Киноны санал их ирдэг үү? -Уран бүтээлийн санал ирдэг ч одоогоор нялх хүүхэдтэй болохоор тэр бүр анхаарал хандуулж чадахгүй л байна. Эх сурвалж: “Зууны мэдээ” сонин

2025 онд угаарын улмаас 30 иргэн нас баржээ

14 цаг 43 мин

С.Оюун: Би Ерөнхийлөгчийн сонгуульд нэр дэвшихгүй

15 цаг 4 мин

Л.Энх-Амгалан: Ипотекийн зээлийн дараалалд орохын тулд 10-20 сая төгрөгийн авлига өгдөг

15 цаг 11 мин

Зээл олгох үйл ажиллагаанд МИК хөндлөнгөөс оролцох боломжгүй

Монголын Ипотекийн Корпораци ОССК” ХХК (МИК) нь орон сууцны хөнгөлөлттэй хүүтэй зээлийн хөтөлбөрт зарим үйл ажиллагааг хэрэгжүүлэх үүрэгтэйгээр оролцож байгаа ба Монголбанкнаас баталсан “Орон сууцны ипотекийн санхүүжилтийн журам”, “Ипотекийн зээлийн үйл ажиллагааны журам”-ын хүрээнд олгосон орон сууцны зээлийг Банкнаас худалдан авч, хөрөнгөөр баталгаажсан үнэт цаас гаргах үйл ажиллагааг гүйцэтгэдэг. “Орон сууцны ипотекийн санхүүжилтийн журам”-ын 4.2-д заасны дагуу Банк нь зээл хүсэгчид олгох орон сууцны ипотекийн зээлийн шийдвэрийг бие даан гаргахаар зохицуулсан байдаг бөгөөд зээл олгох үйл ажиллагаанд МИК хөндлөнгөөс оролцох боломжгүй юм.

16 цаг 34 мин