2015 ОНЫ 2 САРЫН 27-НЫ “ӨНӨӨДӨР” СОНИНД НОЁН Р. ЖАРГАЛАНТЫН “ЭНЭТХЭГТ ЭМЭГТЭЙ ХҮН БОЛЖ ТӨРСНӨӨС АФРИКТ АМЬТАН БОЛЖ ТӨРӨХ НЬ ДЭЭР” ГЭСЭН ГУТААСАН ГАРЧИГТАЙ ХЭВЛЭГДСЭН НИЙТЛЭЛИЙГ БИ ЭРС ЭСЭРГҮҮЦЭЖ БАЙНА. ЭНЭ ГАРЧИГ НЬ НЭГ БҮХЭЛ ҮНДЭСТНИЙ ЭМЭГТЭЙЧҮҮДИЙГ БҮДҮҮЛЭГЭЭР ДОРОМЖИЛЖЭЭ. ИЙМ ГАРЧГИЙГ ОРЧИН ҮЕИЙН МЭДЭЭЛЛИЙН ХЭРЭГСЭЛД ҮГЭЭР БИЧИЖ НИЙТЛҮҮЛЖ БАЙГААД ИТГЭХЭД БЭРХ БАЙНА.
ЭНЭХҮҮ ИЛТ ШОГЛОЛТЫГ АФРИК ТИВТЭЙ ХОЛБОЖ БУЙГ Ч БИ ЭРС ЭСЭРГҮҮЦЭЖ БАЙНА. АФРИКИЙН АМЬТАД БУСАД ГАЗРЫН АМЬТДЫН СТАТУСААС ИЛҮҮ ДОР ТҮВШНИЙХ БАЙДАГ ГЭЖ УГ СОНИНЫХОН ҮЗДЭГ ЮМ БАЙНА. АФРИК НЬ ЭНЭТХЭГТЭЙ ХАЛУУН ДОТНО, МАШ НӨХӨРСӨГ ХАРИЛЦАА БҮХИЙ АВЬЯАСЛАГ ХҮМҮҮСТЭЙ МАНАЙ ГАРГИЙН НЭГ АУГАА ТИВ ЮМ. ТИЙМЭЭС, УГ НИЙТЛЭГЧ БОЛОН “ӨНӨӨДӨР” СОНИНЫ РЕДАКТОРУУДЫН ДАМЖУУЛЖ БУЙ АФРИК ТИВИЙГ ДОРД ҮЗСЭН ЭНЭ ӨРӨВДӨЛТ СЭТГЭЛГЭЭГ БИ БАС ЭРС ЭСЭРГҮҮЦЭЖ БАЙНА.
МИНИЙ ЭСЭРГҮҮЦЭЛ НЬ НИЙТЛЭГЧИЙН ЭНЭТХЭГИЙГ СОХРООР ШҮҮМЖИЛСНЭЭС БОЛООГҮЙГ БИ ЦОХОН ТЭМДЭГЛЭЖ БАЙНА. ТЭР ӨӨРӨӨ ЭНЭТХЭГИЙН ТАЛААР БИЧИХ ЭРХ МЭДЭЛТЭН БИШ НЬ ХАРАГДАЖ БАЙНА. БУСДЫН БИЧСЭН ДЭЭР СУУРИЛЖ ӨӨР НИЙГМИЙГ ШҮҮМЖЛЭХЭЭР ТЭРЭЭР ШИЙДЖЭЭ. ГЭХДЭЭ АРДЧИЛАЛД ҮГИЙН ЭРХ ЧӨЛӨӨ НЬ СЭТГҮҮЛ ЗҮЙН ЁС ЗҮЙ, ЧАНАРААС ИЛҮҮ ЧУХАЛ БИЛЭЭ. ЭНЭТХЭГТЭЙ БАГА Ч ГЭСЭН ТАНИЛ ХЭН Ч УГ НИЙТЛЭЛ НЬ ЭНЭТХЭГ ЭМЭГТЭЙЧҮҮДИЙН НИЙГЭМ-ЭДИЙН ЗАСАГ, УЛС ТӨРИЙН НИЙТЛЭГ СТАТУСЫН ТАЛААР ТЭНЦВЭРГҮЙ, ХОЦРОГДСОН, ТӨӨРӨГДҮҮЛСЭН ЗУРГИЙГ ДАМЖУУЛЖЭЭ ГЭДГИЙГ ЗӨВШӨӨРӨХ БАЙХ АА. ЭНЭТХЭГ НЬ ДЭЛХИЙН ХАМГИЙН ТОМ АРДЧИЛСАН БӨГӨӨД ХУРДАН ХӨГЖИЖ БУЙ ОРНЫ ХУВЬД ЧӨЛӨӨТЭЙ БӨГӨӨД НЭЭЛТТЭЙ НИЙГЭМТЭЙ. ХЭН Ч БАЙСАН ЭНЭТХЭГТ ОЧИЖ, АЖИГЛАЖ, СУДАЛЖ ЭСВЭЛ КОММЕНТ ХИЙЖ БОЛНО.
СОМНАТ ГОШ
ЭНЭТХЭГ УЛСААС МОНГОЛ УЛСАД СУУГАА ЭЛЧИН САЙД
2015 ОНЫ 3 САРЫН 2