МСНЭ-ийн Удирдах зөвлөл өнөөдөр /2026.08.05/ хуралдаж Монгол-Хятадын сэтгүүлчдийн 16 дугаар форумын зохион байгуулалтын бэлтгэл болон бусад асуудлаар хуралдаж шийдвэр гаргалаа. Жил бүр хоёр улсад ээлжлэн зохион байгуулагддаг тус форум энэ жилийн тухайд БНХАУ-ын Хөххот, Сичуань мужид 2026 оны 9 дүгээр сарын 7-12-ны өдрүүдэд “Хэвлэл мэдээллийн салбарын хамтын ажиллагааны хүрээнд хоёр улсын найрамдлыг бэхжүүлэх” сэдвийн хүрээнд болно. Хоёр улсын найрамдал, хамтыг ажиллагаа, харилцан ойлголцлыг бэхжүүлэхэд чухал нөлөөтэй уг форум ирэх онд /2027 он/ Монгол Улсад болно. Түүнчлэн МСНЭ-ийн Удирдах зөвлөлийн хурлаар Бага хурлын товыг гаргалаа. Дүрмийн өөрчлөлт, гишүүнчлэл, татварын асуудлыг хэлэлцэх Бага хурал 2026 оны 9 дүгээр сарын 25-ны Баасан гаригт болно.

Мөн тус хурлаар МСНЭ-ийн Ерөнхийлөгч Бодлогын зөвлөхүүдээ танилцууллаа. Үүнд:


-Залуучуудын бодлогын зөвлөхөөр zuv.mn сайтын Ерөнхий редактор С.Гандэлгэр,

-Олон нийттэй харилцах стратегийн зөвлөхөөр “Даймонд Пресс клуб”-ын Удирдах зөвлөлийн гишүүн П.Сайнбилэг,

-Төсөл, хөтөлбөр хариуцсан зөвлөхөөр “Малчин” телевизийн Гүйцэтгэх захирал Э.Дагиймаа,

-Гишүүнчлэл, дотоод асуудал хариуцсан зөвлөхөөр “Лидер медиа груп” ХХК-ийн Гүйцэтгэх захирал Я.Аранжинбаатар нар тус тус  сонгогдон ажиллахаар боллоо.

Эх сурвалж: polit.mn