М.ЧИНБИЛЭГ

“NBA”-н бүх цаг үеийн оноо авалтаар тэргүүлэгч,  дөрвөн удаагийн аварга, дөрвөн удаагийн үнэ цэнтэй тоглогч ЛеБрон Жеймс өдгөө лигийн хамгийн ахмад тоглогч. Тэрээр 39 настай. Өөрөөр хэлбэл түүний зодог тайлах мөч тун ойрхон ирээд байгаа юм. 2022 оны бүх оддын тоглолтын дараа сэтгүүлчдэд “Миний сүүлийн жил хүүтэйгээ тоглох жил байх болно” хэмээн хэлсэн байдаг.

Түүний том хүү Бронни Жеймс өнгөрсөн жилд коллежийн сагсанбөмбөгийн лигт тоглосон. Ирэх 10 сард 20 нас хүрэх юм. Бронни Жеймсийн коллежийн сагсанбөмбөгийн лигт үзүүлсэн тоглолт тийм ч сайн байгаагүй. 4.8 оноо, 2.1 оновчтой дамжуулалт дундажласан гэдэг тааруу үзүүлэлт мөнөөс мөн. Гэвч Бронни Жеймс 2024-2025 оны “NBA”-н драфт-д нэрээ өгч, дажгүй сайн үзүүлэлт үзүүлсэн. Дурдсанчлан ЛеБрон Жеймс хүүтэйгээ сагсанбөмбөгийн шилдгүүдийн түвшинд хамтдаа тоглох магадлал байгаа юм. ЛеБрон Жеймсийн “Лос-Анжелес Лэйкерс” багтай хийсэн гэрээ ирэх улиралд хүчинтэй ба ирэх улиралд хүүтэйгээ тоглоод түүнийг зодог тайлна гэж олон нийт таамаглаад байгаа.

Үүний илрэл нь Лэйкерс баг драфтын 17 болон 55 дугаар сонголттой. Үүгээр Бронниг Лэйкерст нэгтгэх магадлалтай юм. Мөн энэ сарын эхээр Лэйкерс багийн ахлах дасгалжуулагчаар Жэймстэй хамт сагсан бөмбөгийн подкаст хөтлөгч, телевизийн шинжээч, хуучин тоглогч Ж.Ж.Редикийг томилсон. Дасгалжуулагчаар ажиллаж байсан туршлагагүй 40 настай Орландо Мэжик болон ЛА Клипперс багийн довтлогч асан ЖЖ.Рейдик Леброны эргэн тойронд баг бүрдүүлэхээр хичээж магадгүй.

Энэ бүгдийн хариу болох “NBA”-н драфтын эхний тойрог өнөөдөр буюу зургадугаар сарын 26-ны 20:00 цагаас ба хоёрдугаар тойрог маргааш буюу зургадугаар сарын 27-ны 16:00 цагаас юм.

Эх сурвалж:www.polit.mn