Ц.БАЯР

Төсвийн тухай хуулийн дагуу ирэх оны төсвийн төслийг тухайн оны аравдугаар сарын 1-ны дотор УИХ-д өргөн барих хуультай. Сангийн яамнаас 2023 оны нэгдсэн төсвийн төслийг боловсруулж дууссан байна. Сангийн сайд Б.Жавхлан өнөөдөр төсвийн төслийн талаар сэтгүүлчдэд мэдээлэл хийв. Хүүхдийн мөнгийг ирэх онд зорилтот бүлэгт олгож өндөр орлоготой иргэдийн хүүхэд  олгохгүй хэмээн үзэж байна. Нийт хүүхдийн 80 орчим хувьд олгохоор байгаа аж. Түүнчлэн  сард 20 сая төгрөгөөс дээш  цалинтай  иргэдээс  20 хувийн ХАОАТ төлүүлэхээр төсвийн төсөлд тусгасан байна. Одоогоор ХАОАТ-ыг  орлогоос үл хамаарч ижил 10 хувиар төлдөг. Хэрэв УИХ-аас Төсвийн төсөл энэ хэвээр батлагдвал 10 сая хүртэл төгрөгийн цалинтай бол 10, 15 сая ба түүнээс дээш төгрөгийн орлоготой бол 15 хувийн 20 сая ба түүнээс дээш төгрөгийн цалинтай бол 20 хувийн татвар төлөх хууль ирэх оны  нэгдүгээр сарын -1нээс үйлчлэх аж.  Гэхдээ манай улсад 1.3 мянган хүн 10 сая ба түүнээс дээш төгрөгийн цалинтай . Энэ нь нийл цалин авдаг иргэний 0.1 хувийг эзэлж байгаа аж.

Эх сурвалж: www.polit.mn