С.Бямбацогт: Экспортын судсаа тэлэх явдал нь "Шинэ сэргэлтийн бодлого"-ын амин сүнс учраас анхаарч ажиллана

Нүүр

Полит-Анализ

С.Бямбацогт: Экспортын судсаа тэлэх явдал нь "Шинэ сэргэлтийн бодлого"-ын амин сүнс учраас анхаарч ажиллана

2022-09-11

Нийтэлсэн: Админ

1 мин

ХУВААЛЦАХ

ЖИРГЭХ

Б.ДАРЬСҮРЭН

Зам, тээврийн хөгжлийн сайд С.Бямбацогт Цагаан хад, Гашуунсухайт боомтод ажиллалаа. Энэ үеэр "Нэг үеэ бодвол боомтын бойм бага багаар тайлагдаж, өдөрт экспортын нүүрс тээврийн 600-800 машин хилээр гардаг болжээ. Мөн тээврийн инновац шингэсэн шинэ төрөл AGV буюу алсын автомат удирдлагатай чингэлэг тээврийг ашиглаж хэвшсэн байна. Боомтын захиргаа, ХӨСҮТ-ийн эмч нарын баг маш сайн ажилласны үр дүнд COVID-19-ийн эерэг тохиолдол гараагүй тул экспорт өдрөөс өдөрт сэргэж байна" хэмээн онцоллоо.

Мөн "эн тэргүүнд шийдэх асуудал цөөнгүй байна. Нэгдүгээрт, Ханбогд сумын Хайрхан багт хамаардаг Цагаан хаданд ажиллаж, амьдарч буй 20 мянга гаруй иргэнд зориулсан эмнэлэг алга. Хоёрдугаарт, Эрчим хүч, гэрэл цахилгааны хүртээмж хангалтгүй, Гуравдугаарт, Унд болон ахуйн хэрэглээний усаа зөөврөөр шийдэж байгаа нь хүндрэлтэй байна. Иймээс улсын эдийн засгийг тэтгэж байгаа экспортын судсаа тэлэх явдал "Шинэ сэргэлтийн бодлого"-ын амин сүнс учраас Засгийн газрын гишүүн, Зам, тээврийн хөгжлийн сайдын хувьд эдгээр асуудалд анхаарч ажиллах болно" хэмээн амлалаа.