Б.ТУУЛ

Үүдэл эсийн эмчилгээ дэлхийн олон оронд үр дүнгээ өгсөөр байна. Олон улсад үүдэл эс, генийн эмчилгээний аргаар паркинсон, альцгеймер, аутизм зэрэг олон өвчнийг эмчлэх боломжийг судалсаар байна. Түүнчлэн одоогоор хамгийн эерэг хариу авч байгаа эмчилгээний аргын нэг нь үүдэл эс болоод байна. Дэлхийн өндөр хөгжилтэй орнуудад үүдэл эсийг эмчилгээг бөөрний эмгэг, элэгний церрозтой хүмүүст хийхэд өндөр үр дүнтэй гэдэг нь клиник судалгааны үр дүнгээр баталгаажжээ. Энэ тухай үүдэл эсийн мэргэжилтэн АШУҮИС-ийн багш, анагаах ухааны доктор Б.Хонгорзул “Зууны мэдээ” сонины 2021.4.12-ны дугаарт өгсөн ярилцлагадаа тодорхой дурдсан байна. Тэрээр “Энэ мэтчилэн орчин үед анагаахын шинжлэх ухаанд хэд хэдэн төрлийн үүдэл эс шилжүүлэн суулгах эмчилгээ нь аюулгүй, үр дүнтэй болох нь тогтоогдоод байна. Тухайлбал, Япон улсад элэгний церрозтой хүмүүст, АНУ-д бөөрний дутагдалтай өвчтөнд энэ эмчилгээг түлхүү хийж байна. Цаг хугацааны хөгжлийн явцад манай улсад энэ бүх эмчилгээг хийдэг болно гэж харж байгаа. Үүдэл эсийн судалгаа шинжилгээг олон талаас нь хөгжүүлж чадвал анагаахын шинжлэх ухаанд маш олон өөрчлөлтийг авчрах боломжтой. Ирээдүйд эдгээр эмчилгээ нь эмээр болон мэс заслын оролцоотойгоор эдгэрэх боломжгүй олон ноцтой, аюултай өвчнөөс салах цорын ганц арга зам болж магадгүй гэдгийг эрдэмтэн судлаачид онцолсоор байгаа юм. Гэхдээ бас бүх өвчнийг өргөс авсан мэт эмчилнэ гэж ойлгож болохгүй. Өвчлөл нь хожуу шатандаа орсон, эмчлэх боломжгүй ч өвчлөл бас бий” гэв.

Эх сурвалж: www.polit.mn