Т.БАТСАЙХАН

Төрийн байгуулалтын байнгын хорооны хуралдаан өнгөрсөн баасан гарагт болж, Ерөнхий сайд Г.Занданшатарыг огцруулах УИХ-ын гишүүн П.Сайнзориг нарын саналыг хэлэлцсэн. Байнгын хорооны хуралдаан хоёр цаг гаруйн хугацаанд хуралдаж, байнгын хорооны гишүүд Ерөнхий сайдаас асуулт асууж хариулт авав.  Гэвч санал хураалт явуулалгүй завсарлалаа. Засгийн газрын хувь заяаны асуудал яригдаж байгаа тул УИХ дахь намын бүлгүүдэд дээрх асуудлыг ярих боломж олгох үүднээс Төрийн байгуулалтын байнгын хорооны хуралдааныг түр завсарлууллаа хэмээн Төрийн байгуулалтын байнгын хорооны дарга Ц.Сандаг-Очир мэдэгдэв.  Байнгын хорооны хуралдааны үеэр Ерөнхий сайд Г.Занданшатарт тавьсан онцлох асуултууд болон түүний хариултаас тоймлон хүргэж байна. 
Ерөнхий сайд Г.Занданшатарыг огцруулах саналыг Төрийн байгуулалтын байнгын хороогоор хэлэлцэж эхэллээ. Хэлэлцэж буй асуудалтай холбогдуулан УИХ-ын 10 гишүүн асуулт асууж хариулт авч байна. 

Яагаад намын зовлонг төрийн зовлон болгочхов?

УИХ-ын гишүүн А.Ариунзаяа:

-Яагаад намын зовлонг төрийнх болгочхов оо.  Тахимаа өгч чадахгүй өрсөлдөгчөө хүнээр болон өөрөө хулгайчаар нь дуудаж байгаа нь хэр зохистой вэ, Г.Занданшатар дарга аа. Би таныг хүндэлдэг. Намын даргын сонгуулиас болж та ард түмэндээ хандаж мэдэгдэл хийнэ гэдэг зар тараасан. Улс орны нөхцөл байдал хүнд байна, төсвөө баталъя, хамтарч ажиллая гэх юм болов уу гэж бодсон.  

Дэлгэрэнгүй унших линк: www.zuuniimedee.mn

Эх сурвалж: “Зууны мэдээ” сонин

2025 ОНЫ АРАВДУГААР САРЫН 13. ДАВАА ГАРАГ. № 192 (7689)

Уншигч Танд “Зууны мэдээ” сонины нийтлэлтэй холбоотой санал, шүүмжлэл, хүсэлт байвал zuuniimedee@gmail.com хаягаар илгээгээрэй.