Б.ГАРЬД
Уг нь, Баялгийн сангийн зураг, зорилго нь тодорхой болчихсон. Хуульдаа, “…Газрын хэвлийн баялгийн үр өгөөжийг төвлөрүүлэх, үр ашигтай хөрөнгө оруулалт хийх, одоо ба ирээдүй үеийн иргэн бүрт тэгш, шударга хуваарилах, хуримтлуулах төрөлжсөн сангаас бүрдэх тогтолцоо” гэж томьёолсон. Хэн ч уншаад ойлгохоор байгаа юм.
Тэгээд Баялгийн сангийн эх үүсвэрүүдийн томоохон нь стратегийн ордуудын төрд оногдох хувийн ногдол ашиг байхаар хуульчилсан. Ердөө л энэ.
Ингээд Баялгийн сангийн “хоол” болох ёстой стратегийн ордуудыг харахаар аль хэдийнэ тараагаад тавьчихсан, хуваагаад авчихсан байдаг.
УИХ-ын 2007 оны 27 дугаар тогтоолын 1 дэх хавсралтад “…Стратегийн орд” гэж шууд нэрлэсэн 15 орд бий. 2015 онд нэг нэмэгдээд өнөөдөр Монгол Улсад стратегийн 16 ордтой болсон. Тэдгээр нь Тавантолгойн чулуун нүүрсний орд, Нарийнсухайтын нүүрсний орд, Багануурын хүрэн нүүрсний орд, Шивээ Овоогийн хүрэн нүүрсний орд, Мардайн ураны орд, Дорнодын ураны орд, Гурванбулагийн ураны орд, Төмөртэйн төмрийн хүдрийн орд, Оюу толгойн зэс, алтны орд, Цагаан суврагын зэс, молибдений орд, Эрдэнэтийн зэс, молибдений орд, Бүрэнхааны фосфоритын орд, Бороогийн алтны орд, Төмөртэйн овооны цайр, хар тугалганы орд, Асгатын мөнгөний орд, Гацууртын алтны орд юм. Тэгвэл өнөөдөр “Эрдэнэс Монгол” компани эдгээр ордоос Эрдэнэтийн зэс, молибдений орд, Төмөртэйн төмрийн хүдрийн орд, Асгатын мөнгөний ордыг 100 хувь, Багануурын хүрэн нүүрсний ордын 75 хувийг, Тавантолгойн чулуун нүүрсний ордын 81.5 хувийг, Оюу толгойн зэс, алтны ордын 34 хувийг, Шивээ овоогийн хүрэн нүүрсний ордын 90 хувийг эзэмшиж байна.
Үргэлжлэлийг zuuniimedee.mn сайтаас цахим сонин захиалан уншаарай.
Эх сурвалж: “Зууны мэдээ” сонин
2025 ОНЫ ДӨРӨВДҮГЭЭР САРЫН 14. ДАВАА ГАРАГ. № 68 (7565)