Т.САЙХАН
Нийгмийн бодлогын байнгын хорооны хуралдаанаар Эрүүл мэндийн даатгалын үндэсний зөвлөл болон Нийгмийн даатгалын үндэсний зөвлөлийн даатгуулагчийг төлөөлсөн гишүүнд нэр дэвшигчдийн сонсгол явуулах асуудлыг хэлэлцэж, эдгээр сонсголын товыг тогтоох, сонсгол даргалагчийг сонгох тухай Байнгын хорооны хоёр тогтоолыг баталлаа. Тогтоолуудаар нэр дэвшигчийн сонсголуудыг ирэх дөрөвдүгээр сарын 7-нд хийхээр товлож, УИХ-ын гишүүн Д.Үүрийнтуяа, Ц.Идэрбат нарыг сонсгол даргалагчаар томилов.
Эрүүл мэндийн даатгалын үндэсний зөвлөлийн гишүүн С.Эрдэнэбат УИХ-ын гишүүнээр сонгогдсон, Нийгмийн даатгалын үндэсний зөвлөлийн даатгуулагчийг төлөөлсөн гишүүн Ц.Сүхбаатарын бүрэн эрхийн хугацаа дууссан тул Монголын үйлдвэрчний эвлэлийн холбооноос Ж.Батзориг, Б.Рагчаа нарыг нэр дэвшүүлсэн байна.
Эрүүл мэндийн даатгалын үндэсний зөвлөлийн даатгуулагчийг төлөТ.өлсөн гишүүнд нэр дэвшигч Б.Рагчаа нь Монголын Үйлдвэрчний эвлэлийн холбооны дэд ерөнхийлөгчийн сонгуульт ажилтай, 2005 оноос Монголын тээвэр холбоо, газрын тосны ажилтны үйлдвэрчний эвлэлүүдийн холбооны зохион байгуулагчаас дарга хүртэл дэвшин ажиллажээ.
Нийгмийн даатгалын үндэсний зөвлөлийн даатгуулагчийг төлөөлсөн гишүүнд нэр дэвшигч Ж.Батзориг нь Монголын Боловсрол, шинжлэх ухааны үйлдвэрчний эвлэлийн холбооны ерөнхий боловсролын сургууль, сургуулийн өмнөх боловсролын байгууллагуудыг хариуцсан мэргэжилтэн ажээ. Тэрээр 1997 оноос үйлдвэрчний эвлэлийн байгууллагад тасралтгүй ажиллаж байгаа бөгөөд 2011-2019 онд Боловсрол, шинжлэх ухааны үйлдвэрчний эвлэлийн холбооны даргаар ажиллаж байжээ.
Эх сурвалж:www.polit.mn