“Turquoise Hill” Саутгобид эзэмшдэг хувьцаагаа худалдав

Нүүр

Полит-Анализ

“Turquoise Hill” Саутгобид эзэмшдэг хувьцаагаа худалдав

2014-08-04

Нийтэлсэн: Админ

1 мин

ХУВААЛЦАХ

ЖИРГЭХ

Д.ЧИМЭГ

“Оюутолгой” төслийг хэрэгжүүлэгч “Turquoise Hill” компани “Southgobi Resources” компани дахь эзэмшлийнхээ тал хэсгийг Хонконгийн биржид бүртгэлтэй “National United Resources” компанид борлуулахаар тохиролцсон байна.

“Southgobi Resources” компанийн хувьд Монголын “Овоот толгой” нүүрсний уурхайд үйл ажиллагаа явуулдаг “Southgobi Sands” компанийн толгой байгууллага юм. Тохиролцооны хүрээнд “National United Resources” нь тус компанийн 29.95 хувийг эзэмшихээр болж буй юм. Тодруулбал “Turquoise Hill” тус компанид эзэмшдэг 56.1 сая ширхэг энгийн хувьцаагаа нэг бүрийг нь 0.455 канад доллараар үнэлэн худалдаж байгаа аж.

Энэхүү тохиролцоонд санхүү, хуулийн зөвлөхөөр CIBC World Markets болонNorton Rose Fulbright зэрэг компани ажилласан байна. “Southgobi Resources”-ийн хувьд Монголын Өмнийн говьд 200 гаруй сая тонн коксжих нүүрсний нөөцтэй “Овоот толгой” ордоос гадна “Заг сүүж”, “Сүмбэр” зэрэг нүүрсний төсөл хэрэгжүүлдэг томоохон компани юм.