Б.ДАРЬСҮРЭН

Өнөөдөр/2022.07.18/-ийн энгийн арилжаагаар 38 хувьцаат компанийн  213.127.036 төгрөгийн дүн бүхий 859470 ширхэг хувьцаа арилжигджээ. Үүнээс 18 хувьцаат компанийн хувьцааны ханш өсөж, 20 хувьцаат компанийн хувьцааны ханш буурсан байна. Тухайлбал, "Өндөрхаан" ХК, "Хөвсгөл Усан Зам" ХК болон "Хүрд" хувьцаат компаниудын хувьцааны ханш хамгийн өндөр өсөлттэй байсан бол "Авто Импекс" ХК, "Дархан Нэхий" ХК болон "Монос Хүнс" ХК-ийн хувьцаа хамгийн их уналттай гарчээ.

Хөрөнгө оруулалтын хоёр сангийн 20062 ширхэг нэгж эрхийг 6.267.277 төгрөгөөр арилжаалсан бол компанийн бондын хоёрдогч зах зээлийн арилжаанд 605 ширхэг үнэт цаасыг 60.336.650 төгрөгөөр арилжааллаа.  

ТOP-20 индекс 0.61 хувиар өсөж, 33625.62 нэгжид хүрсэн бол зах зээлийн үнэлгээ дөрвөн их наяд 838 тэрбум төгрөг болсон гэж Хөрөнгийн биржээс мэдээлэв. 

Арилжааны дэлгэрэнгүй мэдээллийг энд дар үзнэ үү.   

Эх сурвалж: www.polit.mn