Б.ДАРЬСҮРЭН

Монгол Улсын БНХАУ-тай хиллэдэг боомтууд баярын өдрүүдэд амралгүй ажиллалаа. Нүүрс экспортын гол боомт Гашуунсухайт хилийн боомтод баяр наадмын өдрүүдээр нүүрс болон зэсийн баяжмал тээвэрлэлт хэвийн явагдаж байна. Нүүрс тээвэр өдөртөө 520-570 орчим тээврийн хэрэгслээр хил нэвтэрч байгаа аж. Мөн Тавантолгойгоос Цагаан хадны НАБТ-д ажлын өдөр 400 тээврийн хэрэгсэл, амралтын буюу бүтэн сайн өдөр 600 тээврийн хэрэгслээр дундын тээврийг гүйцэтгэж байгаа гэж УУХҮЯ-наас мэдээллээ.

Тухайлбал, Үндэсний их баяр наадмын эхний өдөр буюу энэ сарын 11-нд нийт 939 машин нэвтэрчээ. Шивээхүрэн боомтоор нүүрс тээврийн 137 машин, Гашуунсухайт боомтоор 571, Ханги боомтоор 231 машин гарсан байна. Зэсийн баяжмал тээврийн 47 машин Гашуунсухайт боомтоор, төмрийн хүдэр тээврийн 66 машин Бургастай боомтоор хил нэвтэрсэн. Мягмар гарагт Шивээхүрэн боомтоор 143, Гашуунсухайт боомтоор 523, Ханги боомтоор 240 машин нийт нүүрс тээврийн 906 машин, Гашуунсухайт боомтоор 48 зэсийн баяжмал тээвэр, Бургастай болон Ханги боомтоор төмрийн хүдэр тээврийн 79 машин хил гарчээ. Харин 13-ны өдөр Ханги боомтоор 244 машинаар 17,860.8 тонн, Гашуунсухайт боомтоор 547 машинаар 75,332.45 тонн , Шивээхүрэн боомтоор 137 машинаар 20,532 тонн нийт 928  машинаар 113,725.25 тонн нүүрс экспортлоод байна.

Мөн "Хилийн боомтын үйл ажиллагаа хэвийн үргэлжилж, нүүрс тээвэр нэмэгдэж байна" гэдгийг УУХҮЯ-наас тодотгож байна.

Эх сурвалж: www.polit.mn