• Зууны мэдээ сонин онлайн захиалга

"Эрдэнэт үйлдвэр" ТӨҮГ ажилчдынхаа цалинг нэмлээ

Б.ДАРЬСҮРЭН

“Эрдэнэт үйлдвэр” ТӨҮГ-ын захиргаа, Үйлдвэрчний Эвлэлийн Холбооны хооронд байгуулсан шинэ “Хамтын гэрээ” энэ оны нэгдүгээр сарын 1-нээс хэрэгжиж эхэлсэн. 2023 оныг дуустал хэрэгжих уг гэрээнд хэд хэдэн өөрчлөлт, шинэчлэлт тусгагдсаны нэг нь цалин, хөнгөлөлтийн тухай асуудал юм.  Өөрөөр хэлбэл, энэ удаагийн “Хамтын гэрээ”-нд нийт ажилтны цалинг 10 хүртэл хувиар, үйлдвэрийн ажилтанд олгодог орон сууцны хөнгөлөлт дэмжлэгийн 12 сая төгрөгийг 13 сая төгрөг болгон нэмэгдүүлэхээр тусгасан. Энэ заалтыг хэрэгжүүлж, “Эрдэнэт үйлдвэр” ТӨҮГ-ын Ерөнхий захирлын А/346 тоот тушаалаар үйлдвэрийн газрын нийт ажилтны цалинг энэ сарын 1-ний өдрөөс 10 хувиар нэмэхээр шийдвэрлэжээ. Ингэснээр тус гэрээнд заасан “Үйлдвэрийн  ажилчдын бодит орлогыг нэмэгдүүлэх, амьдралын чанарыг дээшлүүлэх” зорилт биеллээ олж байна гэж тус үйлдвэрээс мэдээллээ.     

Эх сурвалж: polit.mn      

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.