Д.Оюунчимэг

НИТХ-ын Тэргүүлэгчдийн ээлжит хуралдаанаар нийслэлийн бондын журмыг хэлэлцэн баталлаа. Хурлын үеэр Нийслэлийн Засаг даргын Санхүү эдийн засгийн асуудал хариуцсан орлогч Н.Батаа “Нийслэлийн бондын журмын төслийг удирдлагын зөвлөлийн хуралдаанаар хэлэлцүүлсэн. Мөн холбогдох байгууллагуудаас санал  аван тусгасан байгаа. Бид төлөвлөсөн бүтээн байгуулалтын ажлаа хэрэгжүүлэхэд хөрөнгө босгох зайлшгүй хэрэгтэй” гэв. Мөн тэрээр олон улсын зах зээлээс хөрөнгө босгох эрх зүйн орчноо бэлдэж, тусгайлсан журам боловсруулан батлуулахаар өргөн барьж байгаагаа онцолсон юм. 

Төс­вийн тогтвортой байдлын хуульд “улсын өр” гэдэгт дотоод, га­даад зээл болон Засгийн га­зар, орон нутгийн захиргаа түү­ний дотор төрийн болон орон нутгийн өмчит аж ахуйн нэг­жийн ирээдүйд эргэн төлөх үүрэг хүлээсэн санхүүгийн бүх төрлийн төлбөрийг оруулсан байдаг.

Дэлхийн банкнаас гаргасан 2012 оны судалгаагаар  нийслэл 347 тэрбум төргөгийн бонд гаргах боломжтой гэж үзжээ.  Хэрэв хотын төсөв, шууд орлого нэмэгдвэл үүнээс илүү хөрөнгийг босгох боломжтой хэмээн албаныхан хэлэв.  Энэ удаагийн бондын хөрөнгийг найлахын аж үйлдвэрийн парк, ачаа тээврийн нэгдсэн логистикийн төв байгуулах, хуучин орон сууцны барилгыг буулган дахин барилгажуулахад зарцуулах аж. Түүнчлэн хурдан хугацаанд эргэн төлөгдөх боломжтой төслүүдэд зарцуулахаар журамд тусгасан байна.