Д.ДАРАМБАЗАР

Монголын хөрөнгийн биржийн нэгдүгээр ангилалд бүртгэлтэй "Дархан Нэхий" компанийн энэ оны эхний хагас жилийн тайланг Санхүү хариуцсан захирал М.Ганзориг цахимаар олон нийтэд танилцууллаа.   Тус компанийн нийт хөрөнгө өмнөх оныхоос долоон хувиар өсөж, 67.87 тэрбум төгрөгт хүрчээ. Борлуулалтын орлого нь найман хувиар өсөж, 6.4 тэрбум болсон. Тус компанийн охин компани болох "Гранд яак" ХХК-ийн зочид буудал ашиглалтад орж элэгдлийн зардал тооцох болсонтой холбоотойгоор цэвэр ашгийн хэмжээ өмнөх оны мөн үеэс буурч 34 сая төгрөг болсон байна.

“Дархан нэхий”2021 оны эхний хагас жилд 409 ажилтантай үйл ажиллагаа явуулсан бөгөөд цар тахлын үед эдийн засгийн хүнд нөхцөлд ажлын байраа хадгалж үйлдвэрлэл, үйл ажиллагаагаа тасралтгүй явуулжээ. “Үнэт цаасны зах зээлийн тухай хууль”-ийн 20 дугаар зүйлийн 20.1.6 “Нягтлан бодох бүртгэлийн тухай хууль”-ийн 10 дугаар зүйлийн 10.3 дахь заалтад заасны дагуу хагас жилийн санхүүгийн тайланг долдугаар сарын 20-ны дотор Монголын хөрөнгийн биржид хүргүүлэх үүрэгтэй аж.  

Эх сурвалж: www.polit.mn